رسالة إلى الرئيس أوباما هقولك إيه؟ هقولك إيه؟ ما أنا مصرى وصوتى في الميدان تلاقيه نش عايز كلام منك ولا من حد في سنك ولا أكبر ولا أصغر ما أنا مصرى تراب بلدى على وشى أهو مغطيه هقولك إيه؟ هقولك بس بزيادة بلاش تلويط ما كل الشعب في التحرير وشعب حويط بيفهم كل شىء وأنت بتفتكره بجد عبيط لأ اصحى وفوق معايا عشان رسالة عايز أقولهالك بلاش مكرك كفاية دهاء وخليك نوغة في حالك لو أنت صاحب الكلمة هقولهالك مضحكوا عليك في كام مليار وكلت الكوسة.. والممبار ولموأخذة طلعت حمار روح اقعد جنب بيتك عشان الأبيض بهت عليه هقولك إيه؟ هقولك إيه؟ وأعيدلك؟ ما شفت الشعب بعيونك شباب ياما رجال ياما عيال مش خايفة من لونك يا شيخ مفروض تكون عادل ساعتها كنا هنصونك لكنك داخل اللعبة بأرض وقوت وناسى إن 100 مليون فداها تموت ولا شبر في بلدنا إحنا ولا حتى سكن كتكوت قابلنا أنت وعصابتك وقولى بكرة تاخد إيه؟ هقولك إيه؟ تعالوا نعكس الكلمة هنلقاها أم وأب وطفل صغير بيقول واء كفاية دا إحنا فاهمينك كفاية دهاء تعال شوف دى أهرامنا ونهر النيل وياما بلاء وقع وإحنا فبنشيله بكل ذكاء لو أنت فاكر الدنيا هتبقى كل يوم جنبك دا وهم كبير بتحلم بيه هقولك إيه؟ خلاص وصلت رسالتنا ومش هنقول بقى حاجة دا شعب النيل بيبعتلك سلام من أم محتاجة تسيب بلدى وتهجرها وأعصابنا في تلاجة هنحمى مصر من غيرك ولا نحتاج لأى عزول هنبنى بكرة وإمبارح ومستقبل شباب بيقول يعيش الحر بدراعه وصوته شرًد المعزول فأحسنلك نجيبلك تين مع بطاطا أهو مترمى في الميدان وخد عندك مفيش في بلدنا حد عميل ولا هتلاقى حد جبان ولو خانك في يوم عقلك وقالك تلعب الواطية فهتلاقى هلال أبيض صليب أبيض ومش هتلاقى يوم خاطية وهتلاقى فطارى بكره مع عيسى وبعده العيد هيجمعنا هلال عالى صليب عالى وغيرك وأنت والدنيا مهتغير في يوم حالى يا شعب كلنا حسنات أوباما فاكره شعب ومات يروح يمشى ورا الإخوان يدور حتى مع الأخوات فتحيا مصر وشبابها وكل رئيس هيتنطط فهنجيبه ولا نسيبه ونخذقله في الميدان عينه وكل الدنيا تتكلم وتحكى عليه هقولك إيه؟ وكل الشعب متوحد بلاش أوهام وعيسى خلاص أخوه أحمد معاه في سلام بلاها كل يوم حجة تعالوا واسألوا الحجة ميحلاش ليها يوم في صيام إذا ما كانت اللمة وكنا كلنا قاعدين مفيش مسلم ولا مسيحى ما إحنا كلنا فاهمين أنا مصرى وهو كمان مفيش تجارة باسم الدين ولا تلاقى في يوم فتنة ولا دينا نغالى عليه هقولك إيه؟