قالت الفنانة والراقصة صفوة: "انفصالي عن زوجي الثاني كان بسبب رغبته في عدم عملي كراقصة، واتطلقت منه مقابل عدم إخباره أهلى بأنني أعمل راقصة". الزيجة الثالثة لصفوة وتابعت خلال لقائها ببرنامج "نص الكلام" الذي تقدمه الإعلامي راغدة شلهوب بقناة "النهار": "بعد انفصالي عن زوجي الثاني تزوجت الزيجة الثالثة، وامتدت فترة زواجنا لمدة 3 سنوات بدون علم أهلي". حياة صفوة في زيجتها الثالثة وأكملت: "اتجوزت زوجي الثالث وكنت بشتغل علشان أجيب له فلوس، وهو ده اللي كان يهمه ويشغله، وكنت بصحى من النوم على الحمام وأعمل كوافير وماكيير وألبس وأطلع من الشقة على الرقص، وأرجع البيت مش شايفة وأفطر وأنام، والبودي جارد بتوعي كانوا إخواته والسواق أخوه وأخته المسئولة عن اللي شغالين في البيت، وإخواته الباقيين كانوا بيتناوبوا علينا، وكان عليا شبكة طول الوقت وعرفت بعد كده إني هبلة وعبيطة وكان بيستغلني علشان الفلوس، وبسببه لبست قضية ضرائب ودخلت القفص مع 14 واحد لو شوفت واحد منهم بره ممكن يغمى عليا، ولكن ضربات قلبي كان يسمعها اللي على باب المحكمة".
مخالصات الضرائب وأكملت: "زوجي الثالث كان مفهمني أني بسدد مخالصات الضرائب، وفجأة ببص لقيت عليا 2 مليون جنيه واتعملي قضية ودخلت السجن، وأنا بصفى مع الضرائب اتطلقت، وأخد كل حاجة حتى ذهبي والحاجات القيمة". صفوة: زوجي الأول كان ضعيف جسديا ومن غلي كنت بضربه.. والتاني كان بيحطلي ألماظ في جزمتي صفوة: كنت بخلص شغلي وأروح أزور الحسين وفكرت في ارتداء الحجاب حظ صفوة في زيجاتها وتابعت: "حظي كان سيئ جدًا في الرجالة برغم أني كنت كويسة معاهم، وزوجي الثالث كنت مفكرة أنه بيغير عليا ولكن بعد كده عرفت أنه معندهوش مشكلة في تعاملاتي مع أي شخص، والمواقف اللي عرفتني كده".
