علق حسين حبيب والد المطرب حسام حبيب علي تصريحات نجله بعد مداخلته الهاتفية أمس في برنامج "الحكاية" والذي يقدمه الإعلامي عمرو أديب للحديث علي تفاصيل أزمة شيرين عبد الوهاب. وقال حسين حبيب والد حسام حبيب من خلال موقع "فيس بوك": "قولوا الحق ولو على أنفسكم، هو ينفع أخالف شرع ربنا بحجة إني أحمي أولادي البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل". وأضاف:" : أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك ضيعت نفسك وضيعت البنت معاك". متابعا: هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله والدين النصيحة، أنت بتقول لما رجعت ليها العربيه واحد بيشتغل معاها أخد العربية اللي ب 5 مليون وقالها هابقي اديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع وأنها بتكتب شيكات للناس على بياض أنت كده بتدي مبرر لأهلها يحجروا عليها وبتطلعها أنها سفيهة وعبيطة وأنا من معرفتي بها انها واعية وناصحة بتيجي تكحلها تعميها، اسأل أبوك يقولك تقول ايه". حسام حبيب ودافع الفنان حسام حبيب عن نفسِه ضد الاتهامات التى وُجهت له خلال الفترة الماضية في أزمة زوجته الفنانة شيرين عبد الوهاب، مؤكدًا أن التفسيرات التي أُثيرت خلال الفترة الماضية عن طبيعة علاقته بشيرين لم تكن صحيحة وبها مغالطات كثيرة. وفي البداية أكد الفنان حسام حبيب أن "الفنانة شيرين عبد الوهاب بعد أن دخلت مستشفى الصحة النفسية حاولت الانتحار مرة، ودا طبقًا لأحد العاملين بداخل المستشفى". وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الشخص اللي في مستشفى شيرين عبد الوهاب قال لي حالتها صعبة بقالها 4 أيام، وحاولت الانتحار".
