قال المهندس كامل الوزير وزير النقل: "حققنا معجزة في حرب أكتوبر ومش عارف ليه فيه ناس بتشكك وبتحاول تشوه انتصارنا، انتصرنا على اسرائيل وهما اللي كانوا بيقولوا إننا محتاجين قنبلة نووية علشان نحطم خط بارليف، ولكن احنا بإمكانيات بسيطة حققنا المعجزة وعبرنا". نصر أكتوبر 1973 وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الناس كلها بتتحدث بفخر وإعجاب عن نصر مصر في حرب أكتوبر 1973 وللأسف عندنا ناس بتشوه في انتصاراتنا".
كامل الوزير الجندي وتابع كامل الوزير: "أنا جندي وهستمر في خدمة جيشي وبلدي وهذا فخر كبير أعتز به".
وقال الإعلامي عمرو أديب: "عمري ما شفت بلد فيها فئة من الناس تعشق إنها ترمي التراب على انتصاراتها وكل سنة زي دلوقتِ ندخل في حوار من أغبى ما يمكن وأتحدى فيه بلد في العالم عندها الحوار الغبي دا، بل إني أقول إن هناك دولًا خلقت حوارًا ذكيًّا عن الغباء اللي بيجرى عندنا، حرب أكتوبر 1973 تيجي المناسبة ومبسوطين ويتقال على فكرة ما كانش انتصار بالمعنى الكبير، يا جماعة دا في دول حولوا خسائرهم وهزيمتهم لانتصار، هو الجيل اللي موجود دلوقتِ غير جيلنا ما حضرش حرب أكتوبر عندك إيه تديهوله دا أنت حتى ما حققتش حاجة في أكتوير".
عبور القناة وتحطيم خط بارليف وتابع خلال لقائه ببرنامج "الحكاية" المذاع علي قناة "إم بي سي مصر": "عايز أسأل كم سؤال، هو أنت عبرت ولا لأ؟ هديت خط بارليف ولا لأ؟ هل حد عنده شك في إننا عبرنا وحطمنا خط بارليف، دا السادات خد قرار عظيم وصعب جدًّا".
عبور أكتوبر ونكسبة 1967 ولفت: "وقت نكسة 1967 بتقولوا احنا ما اتهزمناش وتنسوا إننا عبرنا في أكتوبر وانتصرنا، الإسرائيليين كانوا محتلين تلت مصر والسادت حط روح البلد علشان نعبر".
هزيمة إسرائيل وأضاف: "الواوا عند الاسرائيلي التهابات وتسلخات لحد دلوقتِ وهم بيفرح لما بيلاقي ناس مننا بتشكك في انتصارنا عليهم وإذلالهم في حرب أكتوبر 1973".
وأوضح: "في حرب أكتوبر السادات وقواتك المسلحة رجعوا لك أرضك غير منقوصة وهذه حقيقة لا تقبل الجدل، احترموا الناس اللي استشهدوا واتهجروا في مدن القناة، احترموا الشعب اللي عاش على حد الفقر واستحمل وقت الحرب، احترموا القادرة والعباقرة والمكافحين، احترموا تاريخكم وانتصاركم على إسرائيل". ولفت: "السادات كان بطل ولازم نحترم قرار الحرب والانتصار في 1973، ليه نرمي تراب على نصرنا في حرب أكتوبر والناس الألمان والفرنسويين تكبر وتعظم علي هزائمهم وبيعتبروها انتصار". وتابع: "مين اللي شغل قناة السويس؟ هي مش الحرب نتائج طيب إيه نتيجة حرب أكتوبر 1973 مش انتصار واسترداد أرضنا من العدو الاسرائيلي، هو لو اتهزمنا في حرب أكتوبر المشككين والكارهين كانوا هيعملوا فينا إيه؟ ده أنتو كنتو هتفوا في وشنا، لا الراجل عبر وعدى وشغل قناة السويس، ورجع أرضنا غير منقوصة، شعبنا دلوقتِ مش نفس شعب نصر أكتوبر هو شعب آخر ويا ريت لو كل أب يقعد مع ولاده ويقولهم فيه حرب اسمها 6 أكتوبر 1973 عبرنا فيها وانتصرنا على إسرائيل، للأسف احنا ما نقلناش لأولادنا الانتصار ولكن نقلنا لهم بس الشك والتنظير، النتيجة بعد حرب اكتوبر مصر حرة مستقلة هل دا يقبل الشك لأ طبعًا، بس للأسف محدش حاسس لأني فيه ناس اتولدت وجات الدنيا علي الجاهز، تحب السادات أو تكرهه انما تعالى عند حرب أكتوبر فهذه حرب الشعب المصري". عمرو أديب عن المشككين في نصر أكتوبر 1973: ناس بتحب ترمي على نفسها التراب | فيديو احتفالية مصرية في موسكو بذكرى نصر أكتوبر عام 1973 واستطرد: "عايز تشوه الجيش شوه حرب أكتوبر 1973 وهو ده الموضوع، الناس بتزور تاريخها علشان تحقق انتصارات وأنتو عندكم انتصار عظيم في حرب أكتوبر 1973 وكل سنة بتمسحوا فيه سطر، خايف في 2040 ألاقي مفيش ذكرى عند الناس بانتصار حرب أكتوبر 1973 ويقولوا أصلها مش موجودة في التاريخ".
