علق الكابتن رضا عبد العال، لاعب الأهلي والزمالك السابق، على فوز منتخب مصر بقيادة روي فيتوريا على النيجر بنتيجة 3/0. حقيقة روي فيتوريا وقال رضا عبد العال خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "MBC مصر": "روي فيتوريا شروة وبلونا بيها، إحنا كنا بنقابل فرقة أ ب في الكورة، وملهاش أي شكل ولا تواجد في الكرة، وفي المؤتمر الصحفي محسسنا إننا كسبنا فرقة كبيرة مع إن مركز شباب المرج يكسبها بإسكور". شخصية روي فيتوريا وأضاف: "فين شخصية المدرب في ماتش النيجر؟!، وكان قاعد زينا بيتفرج مع إن من أبجديات الكرة إنه بيرجعنا تاني لكوبر؛ باصي لصلاح". مشكلة فيتوريا ولفت: "فيتوريا قعد تريزيجيه لحد الدقيقة 74 ومنزل عمر مرموش اللى معملش حاجة طول الماتش، ده أحمد مدبولي قد مرموش 100 مرة، وطارق حامد ولا باص صح، إنت جايبه ليه؟ أحمد حجازي بتلعبه 90 دقيقة ليه؟ ليه متجربش ناس تانية؟ والجواب بتاع فيتوريا بان من عنوانه.. إنه ملوش فيها". أول تعليق لمدرب المنتخب بعد الفوز على النيجر وديا لو معي صلاح كنت كسبت.. مدرب النيجر يهاجم حكم ودية الفراعنة أزمة محمد عواد وتابع: "أنا هرشت فيتوريا ده إمبارح لما اتكلم في المؤتمر الصحفي عن محمد عواد، وتبرير عدم ضمه لمنتخب مصر".
خطة فيتوريا وأكد: "روي فيتوريا لعب أمام النيجر بخطة اللي عايزه حازم إمام هيمشي، وطالما حط ودانه لغيره ننسى منتخب مصر".
