فى الفضاء الافتراضى لا حواجز تمنع الساخرين والمضحكاتية من السخرية من أى شىء وكل شىء.. هنا نرصد قفشاتهم ونكاتهم وآراءهم الجريئة اللاذعة مازال أنصار مرسي متمسكين بعودته للحكم، ويوميا يعلنون على منصتهم بميدان رابعة العدوية عن انضمام متظاهرين جدد لوقفتهم، إصرار أنصار مرسي على رجوعه كان محل سخرية شباب "فيس بوك"، وأكدوا أن تحتمس الرابع في طريقه لميدان رابعة العدوية لتأييد الرئيس المعزول، كما نالت تصريحات ابن مرسي نصيبا من التعليقات الساخرة.. "فيتو كافيه" رصدت تعليقات الشباب.. إسراء على: أنباء عن عودة الروح لمومياء الملك تحتمس الرابع وتوجهها لميدان رابعة العدوية تأييدًا للدكتور مرسي والشرعية.. مخموخ: بعد صعود عدد من المسيحيين لمنصة رابعة العدوية.. تهنئة المسيحيين في أعيادهم حرام.. لكن يجوز الاستعانة بهم في استرداد الحكم.. باسم الحوراني: رمضان جه.. يعني ننسي الخلاف والاختلاف.. ونقول رمضان كريم علينا كلنا؛ مسلم ومسيحي وإخوان.. الشينيرال: انا عملت كل حاجة غلط في حياتى الا انى اصدق واحد اخوانجى.. سامح منصور: بديع بيقول للبابا تواضروس:" لا تتحدث باسم الأقباط ".. أمال مين اللى يتكلم باسمهم ؟ الأنبا محمد الصاوي ؟ منى شعبان: ابن محمد مرسي في رابعة العدوية: بابا بيقولكوا أثبتوا.. وأنا زى بابا بالظبط في الشدة شديد وفى القوة قوى أوى أوى.. محمد عباس: البلتاجى: الخمور التي كانت عند الحرس الجمهورى كانت لتطهير الجروح... هانى شاكر: أكيد كان عندهم جرح عاطفى.. أبو نسمة الأسطورة: تخيل كده شعور واحد في غيبوبة من أول سنة 2011 وصحي النهاردة لقي ثورتين ورئيسين ومجلس عسكري وحازمون والإخوان خرجوا م السجن مسكوا الحكم سنة ورجعوا السجون تاني وطفل عنده 10 سنين بيقترح حكومة تكنوقراط.. أسماء عمران الرملي: لما تشوف الإخوان وموتهم على الكرسى حتى لو ضحوا بشبابهم.. المفروض لما تشوف حد زملكاوى المفروض تاخده بالحضن... الناس دى أبطال بقالهم 5 سنين ماخدوش بطولة وإيدهم في إيد الأهلاوية طول الوقت..