هاشتاج أغلى كارت شحن في مصر يتصدر تويتر بعد وصول قيمته ل11 مليون جنيه

تصدر هاشتاج #أغلى_كارت_شحن_في_مصر موقع التدوينات القصيرة "تويتر"، بعد انتهاء المزاد على أغلى كارت شحن في مصر بقيمة 11 مليون جنيه.
وعبَّر كثيرون عن فرحتهم بما آل إليه الأمر، ومن رغبة كثيرين في المساعدة، وإنْ كانت الإمكانات قليلة، كما فعلت صاحبة كارت الشحن.
وأغلق، مساء أمس الأحد، باب سباق مزاد التبرع بين جمعية مرسال وفودافون مصر على كارت شحن فودافون؛ حيث اقتربت قيمة التبرع من 11 مليون جنيه.
وجاءت تعليقات متابعي تويتر مشيدة بالمزاد؛ حيث قال أحد المتابعين: "أنا متابع حوار مرسال من ساعة ما الاسكرين البنت وتقريبًا ده أكبر جبر خاطر من ربنا للبنت بحاول أتخيل فرحتها من 10 ج ل11 مليون.. الجمعية جمعت كل ده من غير ولا إعلان واحد تخيل كل ده ممكن يكون بسبب دعوة أهل عيل ف حضانة أثر الفراشة لا يرى أثر الفراشة لا يزول".
وأضاف آخر: "من كرم ربنا على جمعية مرسال غير التبرعات اللي جتلهم من الكارت. ان في ناس كتير عرفتهم من غير إعلانات وإن شاء الله يفضلوا يتبرعوا ع طول لأنهم فعلا من احق الجمعيات. وحسبي الله في اي اي حد يشكك فيهم".
وأوضح متابع آخر: " تعالوا نفكر في الموضوع من ناحيه تانية- البنت اتبرعت بقيمه كارت بعشره جنيهات تضاعف عن طريق البشر إلى أربعة عشر مليون يعني تضاعف مليون واربعه مائه ألف ضعف - ده كرم البشر يبقي كرم ربنا سبحانه وتعالى لما قال يضاعف ذلك لمن يشاء يبقي قد إيه #أغلى_كارت_شحن_في_مصر".

حكاية كارت الشحن
ومع نهاية سباق مزاد كارت الشحن قالت هبة راشد فى بوست عبر صفحتها: الحمد لله الذي تتم بنعمته الصالحات.. اللي عملته شركة فودافون Vodafone Egypt درس عملي كبير لكل شركات مصر مش بس شركات الاتصالات عن المسؤولية الاجتماعية ودورها الحقيقي في المجتمع، ودرس في الإدارة وسرعة اتخاذ القرار والمتابعة، قرار زي ده في شركة بحجم فودافون يطلع في كم ساعة ده شيء عظيم جدا.
وأضافت: حقيقي شرف كبير لي ولمرسال إننا نكون شركاء في الحملة دي معكم، وأنتم وش السعد علينا والأهم وش السعد على أطفال الحضانات إلى عمرهم ساعات وأيام ولا حول ولا قوة لهم وهتكونوا سبب في إنقاذ أرواح المئات منهم، وهنتقابل بعد العيد إن شاء الله وأشكركم وجها لوجه.
وتابعت: "شكرا لكل من شارك ولو بجنيه، ولو بشير مكافآتكم الكبيرة عند ربنا، وفي قلوب كل أب وأم ابنه هيدخل حضانات مرسال".
واختتمت: "قبلنا كلنا شكرا للبطلة إلى ربنا بس يعرفها وشرفني إني أكون أنا اللي برد عليها وأتكلم معها، مش بالفلوس يا بطلة ولا بالملايين بالنية الصادقة والقلب المخلص النقي اللي زي قلبك.. هنتقابل يوم القيامة إحنا والعيال دول لما يكبروا ويبقوا رجالة وستات وهما هيشكروكي هناك بنفسهم أمام العرش. أعظم حملة عملتها في حياتي".
وقدمت هبة راشد، مؤسس جمعية مرسال، صورة لمحادثة بينها وبين فتاة، مساء أمس، ترغب فى التبرع بقيمة كارت شحن، قيمته 10 جنيهات ليشتعل سباق التبرعات وتصل قيمة التبرعات لسعر الكارت ليصل سعره إلى ما يقرب من 11 مليون جنيه، كما دخلت فودافون مصر على الخط لتعلن أنها سوف تتبرع بمثل ما سيتم جمعه للكارت، كما أن الفتاة سيتم تعويضها بقيمة 1000 كارت.
وقالت: "وإحنا هنشارك بنفس مبلغ التبرع النهائي مساهمة من مؤسسة ڤودافون مصر لتنمية المجتمع يلا شارك معانا...قدامنا لحد النهارده بليل".. شكرًا للبنوتة الجميلة على مشاعرها الصادقة وليكي عندنا بدل الكارت قيمة 1000 كارت".
وقالت الفتاة صاحبة الكارت في رسالتها: "نفسي أتبرع لحالات الحضانات اللي عندك، بس أنا مش معايا فلوس، ومعايا كارت شحن، ومستخدمتوش فينفع أتبرع برقمه واللي يشتريه يحط الفلوس لمرسال"، لتوافق مؤسسة مرسال، وتعلن مزاد على سعر الكارت ليصل سعر الكارت إلى ما يقرب من 11 مليون جنيه، تذهب لصالح الأطفال المبتسرين.
ودخل الكثير من الشركات والمشاهير والمتبرعين على الخط بالتعليقات المؤيدة والتى تثني على تلك الخطوة، وانتهى السباق ليقترب المبلغ من 11 مليون جنيه، وستتبرع مؤسسة فودافون مصر لتنمية المجتمع بمثلهم.