رد الإعلامي عمرو أديب على انتقاد الفنان محمد رمضان له، وذلك بعد نشر صورة بعد إصابته خلال تصوير إعلان له، قائلًا: "دي إصابتي البسيطة اللي إعلام بلدي تجاهلها تمامًا ومنهم عمرو أديب اللي فتح عليا النار بتهمة ليس لي دخل بها، وهي إصابة يوسف ابن زميلتي وصديقتي لبنى ونس". المسئولية الاجتماعية وقال عمرو أديب خلال برنامج "الحكاية" المذاع على قناة "mbc مصر": "يا نمبر 1 بلاش علشان دي فيها كلام، عندما تكون فنانا كبيرا يجب أن تكون لديك مسئولية اجتماعية، وأنت كبير وكان عليك أن تسأل عن الشاب الذي أصيب في الإعلان وكاد يموت لولا ستر الله، وكان لازم تكلم أمه وتطمئن عليه وتعالجه". عمرو أديب يرد على محمد رمضان: واضح أنه سمع وما شافش.. ولما تبقى نامبر وان -ولا بلاش عشان فيها كلام- لازم يبقى عندك مسؤولية#الحكاية#MBCMASR أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/Bm4gona7dE pic.twitter.com/IunvD4nIgQ — الحكاية (@Elhekayashow) March 14, 2021 أين تأمين الأعمال؟ وتابع "أديب": "يا محمد رمضان أنت مفيش في دماغك إلا نفسك وبس.. إحنا معندناش مشكلة مع بعض بس أنت مش مستغرب يا محمد أن في إعلان ومسلسل فيه إصابتين وده يخليك تفكر شوية في تأمين الشغل بتاعك وأن الشغل بتاعك فيه مشكلة". وأكمل: "يا محمد رمضان الإعلام كله مهتم بك كل لحظة.. لكن دور الإعلام أيضًا يقف جنب الناس اللى محتاجة.. ومحدش هاجمك والحمد لله فيديوهاتنا بتعمل أرقام كبيرة". دور الإعلام في صناعة نمبر 1 وتابع: "معنديش رغبة أهاجمك ولا أكسرك ولكن فكَّر في النهاية أن في 4 أيام فيه حادثتين، والقنبلة كانت ممكن تعملك أنت كمان مشكلة، والسؤال الناس دي متأمن عليها والناس اللي عاملين في المسلسل بتاعك متأمن عليهم وعليك؟.. وإيه أدوات التأمين اللي جوا الإستوديو؟.. ويا محمد معملكش إلا إعلام بلدك ومحدش بيتجاهلك ولكن في النهاية فيه شاب تاني غلبان أمه خايفة عليه، ونمبر 1 والكبير يتعامل كبير وده شغل الفنانين الكبار". انفجار قنبلة الإعلان واستطرد: "الراجل اللى فرقعت فيه القنبلة نعمل فيه إيه نرميه للبط، أنت قادر تعالج نفسك طيب والغلبان ده نعمل معاه إيه نرميه؟". وكشف الفنان الشاب يوسف عمر الذي أصيب في إعلان محمد رمضان، كواليس الإعلان، وكيف تعامل معه "رمضان" بعد الانتهاء من التصوير. تحول اللعبة لكارثة وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الإعلان اللى اتصور عبارة عن جيم زي لعبة بابجي ومن بطولة محمد رمضان، ولم أتخيل أن تتحول لعبة الإعلان إلى حقيقة كادت تودي بحياتي". متفجرات إعلان محمد رمضان وتابع: "المسئول عن المتفجرات بالإعلان وضع قنبلة تحت رجلي ولكن متوقعتش أني أتعرض للأذى، وكنت فاكر أنها صوت ودخان ولكن فوجئت أنها حقيقية". أعراض التفجير وأكمل: "وداني فيها مشكلة بسبب الصوت، ومحستش برجلي، ولولا ستر ربنا كان ممكن أموت". رد فعل محمد رمضان وأشار: "محمد رمضان جالي بعد التصوير وقاللى عاش يا بطل، ومشهد جميل، ومكنش شاف حاجة في رجلي اللى تعرضت للأذى". وأكمل: "أنا مش عارف إذا كان اللى حصل معايا غلطة ولا المسئول عن التصوير كان قاصد يحصل فيا كل الأذى ده". واستطرد: "اللى أثار ضيقي وغضبي أن عصام الوريث اللى مسئول عن الإعلان قاللى أنت اللى غلطان ونطيت متأخر، وأنا لو كنت قفزت متأخر كنت أموت فيها". وتابع: "تعرضت للتهديد من عصام الوريث واتعملي كارت إرهاب بعد التصوير برغم أنى ضحية وقاللى: "أنا سمعت أنك رافع عليا قضية وأنت اللى غلطان"، معقبًا: "أنا مش عارف إزاي يستهتر بحياة الناس بالشكل ده". وتوعدت الفنانة لبنى ونس، الفنان محمد رمضان، بعد تعرض نجلها الفنان الشاب يوسف عمر لإصابة بالغة خلال تصوير إعلانه الجديد. وكتبت "لبنى ونس" عبر صفحتها على فيس بوك: "إذا عملنا كل حاجة طبيعية وحقيقية كنا هلكنا، ولا تلقوا بأيديكم إلى التهلكة.. يعني إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المحور والكل يدور حوله". تابعت: "هل ممكن تتعرض لما حدث لابني في التصوير معاك، مستحيل طبعًا بتعمل أكشن وبتبقى عارف قبلها كل تفاصيله مرة واتنين وعشرة، واللي عاجبك بتوافق عليه واللي مش عاجبك بتغيره". أضافت: "يعني القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كده ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومفيش أغلى من الضنا حط ابنك مكان يوسف هتقول برضه كله في حبكم يهون!". ثم اختتمت كلامها قائلة: "بس أرجع وأقول لك ابني ربنا هيجب له حقه من اللي اسمه عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هيرجع له مش هسيبه عشان يبطل سي الوريث ده أنه يستهين بحياة الناس، سؤال بقى لما نموت سيادة النجم هيندفن فين؟ الديان والعدل والحق موجود واعتمدنا عليك يا رب". محمد رمضان إجازة من موسى وحصل الفنان محمد رمضان على إجازة لمدة يوم من تصوير مسلسله الجديد موسى المقرر عرضه خلال موسم مسلسلات رمضان 2021، وذلك بسبب إصابته. ويتم تصوير أحداث مسلسل "موسى" داخل أحد الديكورات بمنطقة شبرا منت، والتي تشمل ديكور القرية الصعيدية. تفاصيل مسلسل موسى ويلعب محمد رمضان شخصية هجام من المطاريد ويحصل على أموال كثيرة، ويلجأ لهذا العمل بعد المواقف الكثيرة التي يقع فيها في حياته. وخلال أحداث العمل يتعلق قلب موسى بإحدى الفتيات اللاتي تلعب دورها الفنانة سمية الخشاب، والتي تحاول إبعاده عن المطاريد والسرقة.
