فاهم :عايزين رد بقي على كلام بتوع حماس اخواتكم في الرضاعة اللي قطعتم الكهربا وهربتم السولار و بعتم شعب مصر كله عشانهم . فهيمة :بس بس انت ايه ما صدقت لاقيت جنازة وتشبع فيها لطم . فاهم :يانهار اسود قتل 3 ضابط وتقولي جنازة يا مفترية . فهيمة :أول حاجة ياعم "الامور" إن الخبر ده لسة مش اكيد وفي الآخر هيطلع اشاعة زي العادة ، وتلاقي جبهة الخراب هي اللي مطلعة الإشاعة اتبط بقي انت وهما . فاهم :فعلا إذا لم تستحِ فاصنع ما شئت .. ماانتم بعد الشر لو عندكم شوية من ......................كان رد فعلكم تغير ده انتم قلبتم الدنيا على 11واحد محبوسين وطيارة رايحة وطيارة جاية ومستشار رايح ومساعد جاي وتصريحات زي بتاعة بوش زمان . فهيمة دامعة العين : ربنا يرجعهم بالسلامة يارب ومش هنرتاح إلا لما يرجعوا .. وبعدين تعالي مش لسة الريس محرر 7 من ابناء مصر الابطال والفرحة عمت الديار.. وناس طالبت بعمل تمثال للقائد العظيم الهمام مرسي فتوة 2013 فاهم : نفسي اعرف انتم بتفكروا ازاي ، ومين الريس؟ احنا تعبنا: الشعب يريد الانتحار. فهيمة :وماله اللي ايمانه ضعيف ينتحر وهو يروح النار عشان اعترض على حكم ربنا.. وخلي بالك اللي ييجي على الإخوان ما يكسبش . فاهم : ياسلام على البرود انتم ايه مفيش احساس ، كل اللي يهمكم نفسكم وبس ، هتعملوا ايه بقي في الضباط فهيمة : حطت "رجل على رجل "الموضوع هيطلع كدب والعشيرة في حماس هتجيب الضباط الأحرار بالورد والأزهار وآخر تمام. وساعتها الشعب كله و في نفس واحد عاش مرسي فتوة الأمة العربية حامي الديار ومحرر الضباط الأحرار . فاهم :ايه برضه هنلاقي الضباط في الصحرا تايهين .وأبو هنية يرجعهم وياخد حلاوتهم من مرسي ، فتح معبر رفح مدي الحياة ، سولار وانفاق تشتغل والحياة تبقي بمبي ، وساعتها مفيش دكر يقدر يفتح بقّه مع الريس ، وبكدة أبو هنية يكسر عينا عشان رجع لينا رجالتنا صح . فهيمة :شوف انت فكرت في ايه احنا بنفكر في ايه احنا أهم حاجة عندنا يرجعوا اولادنا تاني لحضن اهاليهم وبعد كدة هنية مش غريب علينا طول عمره اهل وعشيرة وفتوة من فتوات الإخوان فاهم :حسبي الله ونعم الوكيل اقبل مني يارب . فهيمة :إذا كنا ظالمينك فاهم يلطم على وشه :مش انا بس ده الشعب كله. فهيمة :كل واحد يتكلم عن نفسه وإن شاء الله مرسي هيلاقي الظباط تايهين ويرجعهم ومش هياخد حلاوتهم زي الجنود وتطلع لسانها ويغيظكم يا معارضة . فاهم :يرفع ايديه للسما: اللهم انتقم ورجع الظباط ومرسي يطلب حلاوة رجوعهم ، والشعب يكتشف أن رجالة المعلم مرسي هم اللي خطفينهم.. آمين . فهيمة :ولو مرسي الزعيم اللي بيرجع المخطوفين عاش مرسي زعيم المخطوفين .
