دخل فاهم بيته "ولاقى " فهيمة بترقص وتغنى رجالة وطول عمر أولادك يابلدنا رجالة وسألها هو النهاردة عيد سينا ولا إيه فهيمة ضاحكه : واكتر شوفت أبو إسماعيل ورجالته عملوا فيكم إيه ولسه يا فاهم أفندى. فاهم بغضب : وهى دى "الرجولة " من وجهه نظركم واحد يقطع "الصوابع "والتانى يأخد أولاده محملين "بالشوم والزلط والطوب "وتقولى رجولة فهيمة : ما بلاش أحسن "أبو إسماعيل "مستنى يسمع صوتك يعلى وانت عارفه كويس واسأل أصحابك عليه فاهم : بقولك يا فهيمة ما تيجى نتكلم بالعقل شويه. فهيمة : مع إنى أشك فى موضوع العقل ده لكن ماشى فاهم :انتم عايزين إيه فهيمة بعد تفكير : شوف يا فاهم بما إنك اعترفت أن عقلى يوزن "ميه من عينتك " أقولك الموضوع إيه بما إن البلد أصبحت بفضل الله بلدنا وزى ما "تنبأ "لينا "الأمام حسن البنا "رحمه الله عليه بأنه هيجى اليوم اللى يحكم فيه الإخوان العالم العربى كله من المحيط إلى الخليج واجب علينا طبعا ما نضعيش الفرصة مهما كان "التمن "واحنا علينا "السمع والطاعه" ولن نتراجع بعد ما بقينا حكام نبقى محكومين أبدا انسى "يافاهم" انت وكل "الأعادى " فاهم : يانهار أسود وطب وبقية الشعب فهيمة : مالهم زى الفل هما أحسن من الإخوان طبعا لا فاهم: ما هو كدة الإخوانى يبقى السيد والباقى عبيد فهيمة باستغراب : وايه الجديد طول عمركم كدة جات على الإخوان "وقفت ". فاهم بعصبيه : محصلش . فهيمة : إن كنتم نسيتم اللى جرى هاتوا "الدفاتر تنقرأ" من أيام عبد الناصر ولحد المخلوع وانتم عبيد. فاهم : وأنتم كنتم إيه أسياد . فهيمة : لاطبعا معاكم عبيد بس جاتنا الفرصة نقول لها لا مستحيل العبد لو" جاتله "الفرصة يبقى سيد "يفرم اللى يوقف قدامه حتى لوكان أبوه " فاهم: لاا أنتم معقدين انتم عايزين علاج نفسى اه والله فهيمة باكيه: احنا شوفنا أيام صعبه قوى عبد الناصر" سجنا " والسادات "لعب معانا لعبة القط والفأر" ومبارك "حظرنا " احنا يا مؤ من اتعمل معانا زى ما اتعمل مع اليهود. فاهم: بعد ان دمعت عيونه تأثرا بدموع فهيمة :لاحول ولاقوة الابالله انا اعرف اللى اتظلم مش ممكن يظلم لكن مع الأسف انتم ظلمتم الشعب كله فهيمة : لا يكلف الله نفسا إلا وسعها "مرسى " وعد ومقدرش والظروف أقوى منه يعمل إيه يسرق عشانكم عشان يدخل النار يا أخى "ها " فاهم : ياستى محدش قال له يسرق لكن يبقى ريس الشعب كله مش الإخوان بس فهيمة : و هما الإخوان مش مصرين وبعدين مين اللى نجحه مش الإخوان وهو ابن حلال وما ينكر الجميل إلا "ابن الحرام " فاهم : لا طبعا مصرين ونص ومن حقه يرد الجميل طبعا بس مش على حسابنا لأنه ما ينفعش يعيش 3 ملايين على حساب " 87 مليونا " فهيمة : لا يا سيدى عدد الإخوان "6 ملايين " حسب آخر إحصائية فاهم ضاحكا :لا ياستى عشرة وينفع "العشرة" يعيشوا على حساب ال " 80" فهيمة تحط يدها على وسطها :نعم ياسى فاهم والتيارات الاسلاميه التانيه بلاش منها دول يطلعوا اكتر من الشعب المصرى ورجالة حماس نسيتهم وبعدين تعالى هنا المفروض إنكم تحمدو ربنا إنه "من "عليكم بريس يعرف ربنا وبيصلى الفجر "جماعه "فيه ريس صلى الفجر جماعة زيه "طبعا لا " فاهم : يا فهيمة يا حبيتى صلاته ليه مش لينا طيب ما الشعب كله بيصلى يبقى كله يبقى ريس فهيمة : اسمع اقفل الموضوع ده "والإ انت "عارف أيه اللى ممكن يحصل فاهم هامسًا: هو مرسى بعد ما قسم البلد ها يقسم كمان البيوت فهيمة : بتقول حاجه فاهم :لا يا حبيبتى بقول استغفر الله العظيم وبصوت هامس وحسبى الله ونعم الوكيل
