بعد تصريحات أحد الصحفيين القطريين بأن أهم اختراع لمصر كان قرص الطعمية، قرر عدد من الشباب صناعة قرص طعمية أكبر من مساحة قطر، الشباب أكدوا أن تسرب التصريحات القطرية لصالة جيم واحدة بمصر كفيل بالقضاء على دولتهم، «فيتو كافيه» رصدت ردود الشباب .. منار أبو زيد: صحفى قطرى للمصريين: ماذا فعلتم غير أقراص الطعمية؟.. لا.. إحنا عملنا حاجات كتيير بس واضح إنك مش شايف غير الحاجة اللى شاغلة كل تفكيرك..الأكل وبس. إحسان فهمى: قطر على الخريطة أصغر من قرص الطعمية اللى إحنا اخترعناه.. حسام عبود: إحنا اخترعنا قرص الطعمية قبل ما قطر تبقى دولة.. هالة العتر: دعوة لكل الشباب للمشاركة فى عمل قرص طعمية أكبر من دولة قطر اللى مش باينة على الخريطة أصلا.. هالة ممدوح: وعلى فكرة إحنا لحد دلوقتى مخبيين موضوع الصحفى القطرى ده عن الرجالة فى الجيم.. ودول لو 5 منهم راحوا وقفوا بس على حدود قطر وقالو «عااااااش» هيجيبوها ع المحارة.. ياسر أحمد: تاريخ قرص الطعمية فى مصر أقدم من تاريخ بلده.. محمد العيسوى: صحفى قطرى بيقول على المصريين إن أعظم اختراع ليهم قرص الطعمية.. المصريون اتّريقوا عليه هو وبلده وألشوا عليه . محمد خليل: صحفى قطرى بيقولك المصريين مبيعرفوش يعملوا غير أقراص الطعمية.. وتعرف برضو إن الراجل اللى بيعمل أقراص الطعمية دى لو كبر القرص شوية هيبقى قد مساحة قطر.. مينا محروس: ده من قلة الابتكار عندهم علمهم نفس علم البحرين بس الشراشيب اللى فيه فى اتجاه تانى..