حاسب حاسب.. رايح فين إحنا حنفضل كده تايهين؟ كل شوية بتعمل عاملة وتحيرنا شمال ويمين قول لنا ناوي حتعمل إيه واللي في فكرك قول لي عليه انت سايبنا في حيرة كبيرة واللي نباته بنصبح فيه كل شوية عامل لي حكاية مطرح ما أمشي بتمشي ورايا بتفكرني بأيام عدت كنت بتشكي جراحها مِعَاياَ انت نسيت دلوقتي جراحي عامل فيها مفتح صاحي ومفكر بكلامك فينا وبخطبك بِتْشِلْ جناحي خُدْهَا نصيحة بلاش تأليف ما تخليش الحلم مخيف إحنا حنسكت؟ مش ساكتين مهما عملت.. هدفنا شريف آخر مرة حاقول لك حاسب مش ناقصين تفانين ورواسب ما تفكرش بأن جماعتك.. كل عملها ملان بمكاسب