بعد النجاح الذي حققه مسلسل الأب الروحي، طالب الفنان الشاب مصطفى عباس منتج العمل ريمون مقار عبر حسابه الشخصي على موقع التواصل الاجتماعي "فيس بوك"، بترجمة المسلسل للغة إشارة الصم والبكم. ووجه عباس رسالة لمقار قال فيها: "أنا جاتلي فكرة إنسانية جدا وقولت أعرضها على حضرتك وهى ممكن تكون خيالية ومكلفة بس حبيت أعرضها عليك، مسلسل الأب الروحي عامل نقلة غريبة في نوعية الدرما العربية، إيه رأيك يا ريس في ناس صم وبكم كتير جدًا في مصر والوطن العربي كانوا متابعين المسلسل وأكيد ما كانوش فاهمين الحوار، وكانوا بيتفرجو على المسلسل زي ما احنا بنتفرج على السينما الصامتة زمان". وتابع: "إيه رأي حضرتك لو ينفع المسلسل يترجم ليهم زي بعض البرامج والنشرات حاسس إنها هتبقى مفاجأة جميلة جدا ولفتة إنسانية عالية أوى وهتبقى حضرتك أول واحد يعمل حاجة زي كده وممكن تفتح الباب لأعمال تانية كتير إنها تعمل زي حضرتك ودي مجرد فكره جاتلي ومش عرف هل هى صعبة التنفيذ من الواقع العملي". الأب الروحي مسلسل من بطولة مجموعة كبيرة من الفنانين منهم "محمود حميدة، وأحمد فلوكس، ومحمد عادل، وسوسن بدر، ومي سليم، وعايدة رياض، وأحمد عبد العزيز، وإيهاب فهمي، من إنتاج "مجموعة فنون مصر" ريمون مقار، ومحمد محمود عبد العزيز، وتأليف هاني سرحان ومحمد جلال، وإخراج بيتر ميمي.