رد أحمد الشيخ لاعب النادي الأهلي المعار هذا الموسم لناديه السابق مصر المقاصة على اتهامات البعض له عبر مواقع التواصل الاجتماعي بالتواطؤ لصالح النادي الأهلي وتعمده إهدار ضربة الجزاء التي تصدي لها شريف إكرامي خلال لقاء الفريقين بالجولة 13 بالدوري الممتاز والتي انتهت بفوز الأحمر بهدف دون رد. وقال الشيخ في رده الذي نشره عبر تدوينة له:"بعض الناس بتقول أنى كنت قاصد أضيع ضربة الجزاء ! هيا الناس دى عقولها فين؟ اقسم بالله أنى بلعب المباراة دى وأنا مصاب ولآخر دقيقة بموت نفسى لأن ده اللى اتربيت عليه. أكد: أحترم نفسى والمكان اللى أنا فيه ولازم أكون مخلصا له.. وبعدين لو قاصد اضيعها كنت خدتها ليه من الأول وأقعدت أرقص وأنا تعبان مش قادر وكان خلاص ثوانى والماتش هيخلص كان ممكن جدا معملش كده ولا كان حد هيتكلم لكن زى ما قولت أنى ف الأول والآخر بحترم نفسى ودى تربيتى بفضل الله وربنا مكنش رايد اننا نتعادل والحمد لله على كل شىء. وأضاف أيضا: "للعلم أنا ولا شاغل نفسى بأى كلام بس لازم التوضيح لبعض الناس اللي متعرفش أخلاقى ولا تربيتى الحمد لله. وكان المستشار مرتضى منصور رئيس نادي الزمالك قاد هجمة شرسة ضد اللاعب واتهمه بالتواطؤ وتعمده إهدار ضربة الجزاء لتحقيق الفوز لناديه الأهلي بل إنه طالب بضرورة التحقيق معه بهذا الأمر.
