حاول شباب "فيس بوك"، تفسير سبب انقطاع التيار الكهربائى المتكرر فى الأيام الماضية.. منهم من أكد أنها بروفة لفصل الصيف ومنهم من قال إن الحكومة ب"تحوش" الكهرباء لفصل الصيف، "فيتو كافيه" رصدت تعليقات الشباب.. أحمد خضر: النور بقى بيقطع يوم ويوم ويفضل قاطع ساعة.. بيدربونا على الصيف ولا إيه. حسن حيدر: مرسى مش بيقطع الكهربا رخامة.. ده بيحوشلكو حبة كهربا للصيف اللى هتقضوه من غير ملابس قطنية حتى. عمر عبدالرحيم: الشهر دا مُحصّل الكهربا هايرن الجرس ويطلع يجرى. سيد المغربي: إحنا لازم ننظر لنصف الكوب الممتلئ بدل ما ننظر لنصف الكوب الفارغ .. بس لما النور ييجى علشان نشوف الكوباية نفسها فين. نجلاء عبده: النور قطع 3 مرات فى 10 دقايق اتصلت بالأعطال فاعتذرولى وأكدولى أن ده بث تجريبى استعدادا لموسم الصيف، وإنه مع بداية الموسم الأمور هتستقر والانقطاع هيستمر من 5 ل 7 ساعات دون توقف. رهف محمد: المتشائمون من عهد مرسى وبيقولوا "احنا هانشوف أيام سودة" أحب أقولهم إننا مش هانشوفها .. لأن النور هايبقى قاطع. فادى نبيه: الكهربا بقت بتقطع كل يوم يا مرسى.. داحنا مش هنشم ريحتها فى الصيف.