هاجم الإعلامي مصطفى بكري، حمدين صباحي، مؤسس التيار الشعبي، بعد تصريحات الأخير، التي قال فيها إن النضال ليس بالشوكة والسكينة، قائلا: «متتكلمش غير في اللي يخصك، وغير نبرة إحساسك وصوتك عن الفقير لأنها كذبة». وقال «بكرى»، خلال برنامج «حقائق وأسرار»، المذاع على فضائية «صدى البلد»: «إحنا الشعب كنا في الشارع ضد الإخوان، وأنت كنت بتراجع حساباتك الخفية معهم». وتابع: «أنت متعرفش يعني إيه تدفن زميلك وترجع تشتغل، وتستشهد زيه، وأنت مش هتركز في الكلام ده، لأن إنت عندك بدلك وشعرك، اللي بتهتم بهم أكتر من أي شيء آخر». وأضاف: «إوعى تكون فاكر أنك بس المثقف، تبقى واهم، تعالى وأنا أوريك كام ضابط من دكتوراه وماجستير، أنت قاعد ترازل فينا، أنت بتدافع عن اللي خربوا بلدنا بس».