أثارت تصريحات الإعلامي توفيق عكاشة، عضو مجلس النواب، التي قال فيها إنه سوف يستقيل من مجلس النواب ويهاجر ويترك مصر، جدلًا واسعًا على مواقع التواصل الاجتماعى المختلفة، ومن جانبها رصدت «فيتو» تعليقات النشطاء. «بالسلامة» قال محمد فاروق: «فيلم وبيتعمل علشان حركة المحافظين»، وأضاف حازم أمين: «بالسلامة يا أخ»، وتابع عبد العزيز حنفى قائلا: «يا ألف نهار ابييييييييييييييييض لووووووووووووووووووووووولي»، وأضاف سلامة قائلا: «هو إيه اللى بيحصل ده في حاجة غريبة». وقالت زينب: «تمثيلية كالعادة»، وتابع على محمد قائلا: «هو أكيد هيفاجئنا بحاجة جديدة»، وعلق المنسى قائلا: «عقبال اللي في بالي»، وتابعت راند ناصر، قائلة: «أنت فاكرنا هنزعل ده إحنا هنعمل لولولولولولولى فرح»، وأضاف محمد نور قائلا: «ياوعوكش أنت واحد منهم بس من الناس اللي بتتحرك بالريموت كنترول». وعلق عادل جلال قائلا: «يا عكش وحياة أهلك يا شيخ خف عننا شوية يا أخى إحنا ملينا من كتر كلامك وتصريحاتك.. لا أمن ولا دياولو له علاقة بمشاكلك.. إحنا الشعب بنقول لك أنت عضو مجلس نواب آه إنما رئيس مجلس نواب ما تنفعش والله ما تنفع يا شيخ.. أنت لو عملت استقصاء لهذا الموضوع فلن يزيد الموافقون عن 0.0% نعم صفر في المائة ساعتها صباحى هيعايرك بأنه حصل على 3% وأنت صفر.. اختشى يا عكش إحنا عايزين نشتغل علشان البلد تمشى». «إعلامي نادر» وقال أحمد راضى: «خليك راجل وما ترجعش في كلامك وريح الناس من افتكاساتك»، وأضاف أحمد محمود قائلا: «على فكرة في ناس كتير بتحبك وبتصدق كلامك.. فكر كويس علشان مصر.. متسبش البسطاء لوحدهم يتأكلوا». وعلق محمد عبد العزيز قائلا: «يا عكش إحنا بنستنى الحلقة بتعتك كل يوم علشان نستفيد وفى نفس الوقت نضحك.. إنت إعلامي نادر»، وتابع ميدو قائلا: «إحنا اتعلمنا منك معلومات كتير ومصطلحات زى حروب الجيل الرابع والخامس حاجات كانت غريبة علينا» وكان «عكاشة»، قال، خلال مداخلة هاتفية ببرنامج «السادة المحترمون»، المذاع على قناة «أون تي في»، إنه يتعرض للتهديد من قبل الأجهزة الأمنية، وأنه سيستقيل من مجلس النواب ويهاجر ويترك مصر، مضيفا: «ههاجر علشان مافيش أمل في الإصلاح، وأنا لوحدي مش هعرف أعمل حاجة». وتابع عضو مجلس النواب: «من يعمل في هذا البلد بإخلاص يتعرض لحرب، فلازم ماتحبش البلد أكتر من اللازم، لأن اللي بيحب البلد أكتر من اللازم اللى بيحكموها بيكرهوه، فلتذهب كل المناصب وتبقى مصر».
