القمة 110 تشعل «تويتر».. هالة: «هو الزمالك مجاش ليه».. محمود: «الزمالك راح الجونة».. زكى: «دا مش ماتش دي تدريبات الأهلي».. رحمة: «إكرامي زهق من الوقفة لوحده».. وهبة: «الدوري بالنسبة لنا ماتش القمة»

اشتعلت موقع التواصل الاجتماعى «تويتر» عقب تحقيق المارد الأحمر فوزًا مستحقًا على نظيره الزمالك في لقاء القمة 110 الذي جمع الفريقين بملعب برج العرب بالإسكندرية ضمن مباريات الجولة السابعة والثلاثين من بطولة الدوري الممتاز، ومن جانبها رصدت «فيتو» أبرز التعليقات.
رحمة سعيد: «طب حد يقول لاعيبة الزمالك شريف إكرامي زهق من الوقفة لوحده».
أحمد محمود: «إحنا الجيل اللى كنا بنلغى الدروس وأي مواعيد علشان ماتش القمة».
محمد زكى: «دا مش ماتش. دي تدريبات الأهلي».
محمد رمضان: «في القمة الأهلي يكشر عن أنيابه».
عبد الله: «الأهلي سيطرة عملها وخلع».
منى ترك: «محدش شاف الزمالك بطل الدوري».
أحمد سعيد: «هو الزمالك مفوت الماتش يا جدعان».
هالة محمد: «هو الزمالك مجاش ليه».
عمر سعد: «إحنا أبطال أفريقيا أسياد العالم».
هدى إسماعيل: «يا جماعة محدش يكلم الزملكاوية دلوقتى عشان فى حالة صدمة مش الأهلي اللى يخاف يا سادة ده معلم على الزملكاوية بزيادة».
رامى رضوان: «إدارة مبروك أفضل من فيريرا لاعبو الأهلي كانوا أكثر جدية وحماس وتركيز من لاعبي الزمالك مبروك للزمالك الدوري.. وللأهلي القمة».
وسام: «كان فاضل جون كمان يا أهلي».
هبة الأهلوية: «الدوري بالنسبة لنا هو ماتش القمة غير كده ميلزمناش أصل دولاب البطولات مفهوش مكان».
على الجراح: «الماتش كان هايبقى سخن أكتر لو كنا بنلاعب بلدية المحلة في ماتش القمة كان هايبقى في منافسة يا جدع».
محمد سعد: «مبروك الدوري بس اعرف مكانك يا زمالك».
أشرف السيد: «أهلاوي أنا والفخر ليا.. نادي القرن في أفريقيا هوا ناديا».
وكان النادي الأهلي تغلب على الزمالك بهدفين دون رد في لقاء القمة 110 الذي جمع الفريقين بملعب برج العرب بالإسكندرية ضمن مباريات الجولة السابعة والثلاثين من بطولة الدوري الممتاز.