قالت الناشطة السياسية نوارة نجم، فى تغريدة لها عبر "تويتر"، اليوم الخميس: "ابن مرسى بيقول على إبراهيم عيسى إنه لما اشتغل فى الأون تى فى أيام مبارك ساويرس شربه شاى بالياسمين، فى نفس الفترة اللى هو بيقول إن إبراهيم شرب شاى بالياسمين عشان اشتغل فى أون تى فى جماعته كانت بتكتب فى جرنال إبراهيم ولا ساعتها كان حلو؟" . وتابعت: "أبو حمالات اللى ما وراهمش حاجة غير شتيمته ده خيره عليهم، وكان المنفذ الوحيد اللى ليهم فى البلد لما كانوا محظورة، واتشتم واتهم من تحت راسهم، وأبو حمالات اللى هم عاملين عليه كومبينة هم والسلفيين، كان بيكتب عن طارق وعبود الزمر يوم اه ويوم لأ وقت ما الإخوان كانوا بيتبروا منهم، ولما أبو حمالات عميل إيران وجاسوس ووحش، كانوا بيكتبوا فى جرناله ليه ومراتاتهم كانوا بيبعتوا له جوابات يستنجدوا بيه وهم فى السجن ليه؟" . مضيفة: "خرفان الإخوان بيقولوا لى ما انت بتشتمى.. أنا مش بنت رئيس الجمهورية يا محدثين النعمة يا شبعة من بعد جوعة، ماهو انتو عشان عالم جعانة ولمامة ومش واخدين غير على الضرب بالقفا مش فاهمين إن ابن رئيس الجمهورية لما يشتم الناس يبقى بيستغل سلطة أبوه.. ما انتو نفسكوا طول النهار تشتموا وعبرحمن هز بيشاور على الناس بالليزر، والمغير بيخدش حياء الناس وسايبينكوا عشان مش ولاد الرئيس" . وأشارت نجم إلى أنه "إنما لما واحد يبقى ابن الرئيس وعيل ويشتم إعلاميين يخلفوه يبقى بيستغل سلطات أبوه وبيرهبهم وإذا كانت أم أحمد مش عارفة تربيه نربيهولها احنا.. الواد مش عارف يصدق إن أبوه رئيس جمهورية وإنه ابن رئيس الجمهورية وما ينفعش يتعامل مع الناس كده" . وتابعت: "ولو كان المحروس طول عمره شجاع كده وبلسانين حتى أيام مبارك كنا قلنا أهو طبعه ولا حيشتريه، لكن الأبعد ما سمعنالوش حس إلا بعد ما أبوه بقى ريس" . قائلة "وإذا كانوا مش عارفين يربوه فى البيت يبقى يتربى فى المحاكم" .
