عبر موقع التواصل الاجتماعي «لينكيد إن « كان التعليم المصري مثار سخرية العديد من مشتركى الموقع, الذين راحوا يسردون كيف يذاكر الطلاب في مصر والفرق بين الطالب المصري والأوروبي.. ندى عيسى: كيفية مذاكرة الطالب المصرى؟ ده سهل أقراه بعدين...وده أنا عارفه.... ده مش مهم.... ده مش ممكن ييجى ....الحمد لله خلصت! حسن حسام: طالب فى أمريكا جاله سؤال فى الامتحان اكتب خمس صفحات عن الشجاعة ساب أول أربع صفحات و كتب فى « الخامسة» هذه هى الشجاعة وحصل على علامة عالية جدا.... المهم طالب مصرى حب يجرب نفس الحركة الحمد لله ربنا كرمه وما شاء الله عليه تاكل من عنده أحلى سندوتشات كبده !؟ تامر السيد: أول محاضرة فى الكليات .. دكتور تجارة : سنة سعيدة عليكوا والنهاردة هنخليها تعارف على بعض... دكتور فنون جميلة: النهاردة مفيش محاضرة وهسيبكوا تتعرفوا على بعض... دكتور صيدلة : سنة سعيدة عليكوا والنهاردة هكلمكوا عن الكلية شوية...دكتور هندسة: يلا بسرعة هنبدأ من أول شابيتر علشان منتأخرش! أحمد ممدوح: أنتوا أحسن كلية فى مصر محدش كان ولا هيكون زيكم.. هتشتغلوا بعد التخرج وبمرتب محدش خده قبل كده.... انتوا أمل مصر....وبعد التخرج: العرقسوس الساااقع! إسلام محمد: الرحلات فى المدارس عندنا من الابتدائي إلى الثانوى مفيش عندهم غير رحلة حديقة الحيوان ... لدرجة أن القرد يحط أيده على كتف الطالب و يقوله أنت أخو فلان صح؟! أخوك عامل إيه .. اتوظف ولا لسه.
