ريم وجدى: المجد كل المجد لعمرو مصطفى... فهو أول من أدرك أن موقعة الجمل كانت فوتوشوب! أحمد أسامة: طب أى حكم.. أى حاجة... إن شاء الله تحكموا عليهم ياكلوا شيبسى بالشطة.. يقفوا فى الشمس شوية.....إنما براءة براءة! جمال محمد: عاجل.. الجمال ترقص فرحا تحت سفح الهرم بعد سماع البراءة! مصطفى عيسى: هى الناس زعلانة ليييه؟! مساعدو العادلى... براءة كل الضباط المتهمين.. براءة، فطبيعى يطلع الجمل يقول: من النهاردة مفيش حكومة أنا الحكومة. كريم رشدى: خبر جميل... سيتم إعادة المحاكمة.... على cbc+2 كمان ساعتين... شر البلية ما يضحك! ممدوح كريم: على كده لما شفيق بيقول إنه واثق من البراءة من غير ما يرجع مصر، حتى هو فاهم كويس بيقول إيه. السيد أحمد: من الآخر كده يا جدعان... الجمال كانت نازلة ترقص... وعمرو مصطفى كان بيغنى.... والناس اللى ماتت دى؛ ماتت من كتر الضحك على جمل اتكعبل وهو بيرقص... والدم اللى غرق الأرض ده كان عصير فراولة! فاطمة محمد: بشار الأسد يعلن قبوله بعرض التنحي مقابل أن تتم محاكمته في مصر. حمدى سيد: معظم الشهداء ومصابي موقعة الجمل من الإخوان زى ما كانوا بيقولوا دايما.... هل بقى الإخوان هينزلوا يجيبوا حقهم ولا نظامكو إيه! جميل فتحى: وبكده بقي فاضل براءة المتهمين فى قضية بورسعيد وتبقي الثورة نجحت أنا اتشل! رانيا شوقى: فى ذكرى موقعة الجمل عملوا مذبحة بورسعيد! وفى ذكرى ماسبيرو طلعوا المجرمين براءة! طه محمد: آه ياابلد ياللى مفيش فيكى حاجة نتفشخر بيها غير حاجتين.. انتصار 6 أكتوبر وأهرامات الجيزة. نبيل أحمد: زي ما قال عادل إمام.. الأخ اللى بيقول الناس اللى ماتت.. لأ بقى ما احنا لازم نقول الوحش والحلو.. يعنى كان فى مرة فى التحرير جمال و خيول بيرقصوا، والناس كانوا "تحت الجمال" وشايلينهم من على الأرض شييل.... إنتوا بتقولوا إيه يا جماعة! بسام محمد: إحنا أسفييييييييييييين يا "جمل" محمد حسام: عاجل... تم اكتشاف أن موقعة الجمل كانت حلم جماعى للمصريين أو توارد أفكار... ليه علشان مفيش عليها دليل!