أم إبراهيم :هتدى صوتك لمين يا ام خميس؟ -أم خميس : والنبى يا اختى ما انا عارفة بس سمعت ان عبد الفتاح احسنهم –أم ابراهيم (مخضوضة) : عبد الفتاح ده مين؟ فى مرشح اسمه عبد الفتاح؟ -أم خميس : باين كدة .. أو سيد .. بيقولوا راجل كويس -أم ابراهيم : يالهوى؟ سيد ده مين؟ انتى بتجيبى المرشحين دول منين يا اختى؟ -أم خميس : مش عارفة يا اختى نبوية بنت نفيسة العارجة هى اللى قالت لى . - أم ابراهيم : يا ولية يا جاهلة ايه الكلام ده .. انتى مفيكيش دماغ خالص تفكرى بيها؟- - أم خميس : طب اختار مين يا اختى .. انتى دماغك حلوة ومتعلمة .. قوليلنا واحنا نختار زيك. -أم ابراهيم : انا يا اختى لازم اختار مرشح امين ومحترم ومتقى الله وعشان كده هختار عبد اللطيف حسونة.