ماجدة ملاك: جوجل تحتفل بالنحّات محمود مختار صاحب تمثال "النهضة" في إشارة واضحة لتأييد جوجل للدكتور محمد مرسى. عمرو رضا: مع احترامى لأبو الفتوح وتاريخه وعقليته وفكره وأنصاره ... سؤال بيطاردنى لو أبو الفتوح نجح مش ممكن نصحى الصبح نلاقيه بيبوس إيد المرشد وتكون الإخوان لعبوا علينا .... أما حمدين هيبوس إيد مين؟ اكيد إيد الشعب اللى اختاره. دكتور محمد يسري سلامه: قطع بوسترات شفيق ولو حد سألك هو الدين بيقول كده؟؟!! قوله آه بيقول كده من رأي منكم منكرا فليغيره بيده. إبراهيم الجارحي: عمرو موسى يتعهد ببناء ملعب تنس في كل قرية وده دليل على ابتعاده عن أحلام وطموحات الفلاح المصري الذي يعشق رياضتي الاسكواش والبولينج..رمز كل واحد بيدل على حلمه حمدين صباحي بيحلم بالتفوق "رمز النسر" عبد المنعم أبو الفتوح بيحلم بالقوة والعنفوان "رمز الحصان"، أحمد شفيق بيحلم يبقي نقاش "رمز السلم"عمرو موسي بيحلم بحتة ناشفة يقعد فيها "رمز الشمس". سيد عادل: لما فيفي عبده هتدعم عمرو موسي يبقي أكيد عشان سميه الخشاب هتأييد شفيق.. ونسيب «كيد النسا» هو اللي يخلصنا منهم جميعا. د.محمد غنيم: هاهاااي طبعا فيه ناس بتسأل عن سر ثبات أبو الفتوح في المناظرة.. طبعا أي حد دخل كلية طب حيعرف إن د. أبو الفتوح امتحن شفوي باطنة وجراحة .. وإن المناظرة ديه بالنسبة له ولا أي حاجة جمب اللي اتعمل فيه في شبابه. مريم صليب: في استفتاء مارس على التعديلات الدستورية قلنا "لا" ففاز الذين قالوا "نعم".. وفي البرلمان انتخبنا مرشحي التيارات المدنية.. فاكتسح الإخوان والسلفيين.. أنا هاخدها من قصيرها وانتخب محمد مرسي يمكن ربنا يسهل وتخيب المرة دي كمان!!!