قالت الفنانة رانيا يوسف، إنها مع تجريم التبول في الطريق العام، واعتباره فعلًا فاضحًا يعاقب عليه القانون، مشدّدةً على ضرورة وجود حكم رادع وقوي وسريع لظاهرة التحرش. وأضافت رانيا، خلال حوارها ببرنامج «أنا وأنا»، مع الإعلامية سمر يسري، عبر فضائية «ON E»: «الأحكام في قضايا التحرش تأخذ وقت، وبطء العدالة ظلم، ماينفعش واحدة تتبهدل في الشارع، وعلى ما الأخ المتحرش ياخد حكم ويتنفذ يبقى عدى سنتين تلاتة». وتابعت أنها تعرضت للتحرش منذ فترة، لافتةً إلى أنها مازالت تحاول نسيان الواقعة، قائلةً: «تعرضت منذ فترة وعدى الموقف، ولسه بحاول أنساه، وماعرفتش أرفع قضية ولا أمسك المتحرش، لأن ده حصل في مكان عام وفي وسط زحمة». وواصلت: «لما واحدة تتعرض للتحرش مباشرةً كده لازم يبقى في حكم رادع وفعال وقوي، عشان لما ده يحصل مرة ماحدش يعمل كده تاني».