نفى الناشط السياسي وائل غنيم، صحة ما يشاع عن قيامه وشخصيات سياسية أخرى بالحشد لتظاهرات 11 نوفمبر المقبلة، متهمًا أجهزة فى الدولة بمحاولة تضخيم الحدث، قائلًا: «مش فاهم هما إزاي مش واخدين بالهم إن البالونة اللي عمالين ينفخوها دي ممكن في النهاية تفرقع في وشهم». وقال غنيم، خلال تدوينة له بموقع التواصل الاجتماعي «فيسبوك»: «فيه كمية ترويج إعلامي غريب لموضوع 11 نوفمبر، بشكل شخصي معرفش أي حد بيحشد للنزول لليوم ده غير الأذرع الإعلامية اللي بتتهمني أنا ومجموعة منها عمرو حمزاوي والبرادعي وباسم يوسف وغيرهم بإننا ورا الدعوة لليوم، برغم إن ده مالوش أي أساس من الصحة». وهاجم الإعلامي أحمد موسى بعد نشره تدوينة مزيفة لمستشار رئاسة الجمهورية سابقًا، محمد البرادعي، قائلًا: «الوضيع أحمد موسى نشر تويتة مفبركة منسوبة للبرادعي، إنه يدعو أحرار مصر لحمل السلاح ضد الدولة!». وتابع غينم: «التفسير الوحيد المنطقي بالنسبة لي إن بعض الأجهزة عايزة يوم 11 نوفمبر يظهر وكأنه يوم بيتحشد له لتنفيذ مؤامرة على مصر، ولما اليوم يعدي عادي وميحصلش حاجة يقولوا فشلت المؤامرة (وده حصل قبل كده) ويحتفلوا بده كأي نجاح وهمي بيحتفلوا بيه».