أعرب الإعلامي مصطفى بكري، عن غضبه بسبب أزمات ارتفاع الأسعار والدولار، وندرة السكر والقمح والأرز، والتي تصيب الشعب بالإحباط، مطالبًا شركة الدلتا للسكر بطرح 85 ألف طن سكر في مخازنها، وبالمثل مع الشركات الأخرى التي تخزن السكر. وأوضح، خلال تقديمه برنامج "حقائق وأسرار على فضائية "صدى البلد"، اليوم الجمعة: "لازم نحنو على الشعب لأنه محتاج اللي يطبطب عليه، البلد مش مستحملة، ولو حصلنا حاجة الكل هيدفع التمن، الناس لو طلعت المرة دي مش هترجع تاني، ومش هتبقى فيه مصر، والبلد هتخرب وهتقع، لأن الناس اللي هتطلع هتخربها، ومانضمنش مين طالع، وشوفنا البلد اللي اتحرقت باسم الديمقراطية والانتخابات". وأضاف: "نفسنا المسئولين يحسوا بالغلابة والناس التعبانة، وجمعيات الأيتام مش لاقية فلوس، ولازم الإعلاميين يتبرعوا ب10% من رواتبهم للجمعيات دي لأنهم أهلنا".