شدَّد الرئيس عبد الفتاح السيسي على ضرورة بذل مزيدٍ من الجهد لإنهاء أزمة العشوائيات والعمل على وتخطيط هذه المناطق بشكل أفضل. وقال، خلال افتتاحه المرحلتين الأولى والثانية من مشروع الأسمرات بحي المقطم بمحافظة القاهرة، اليوم الاثنين: "هذا يتطلب مننا كدولة إننا نسبق الناس في مطالبها لتوفير الإسكان، سواء عن طريق الدولة أو القطاع الخاص، يبقى متوفر حجم من الإسكان اللي ميخليش الناس تتصرف من نفسها وتبني في مناطق سكن ليها وبعدين تبقى غير مناسبة ليهم وتبقى عبء عليهم وعلينا في التطوير والتجهيز:. وأضاف: "لو مطلوب مليون شقة في السنة نعملهم، أومال إحنا جايين نعمل إيه، والكلام للحكومة والمصريين.. أثناء ترشحي للرئاسة قولت أنا عايز 100 مليار تبرعات من المصريين قالولي هتعمل بيهم إيه، أهو اللي إنتوا شايفينوا ده". وتابع: "إحنا ملناش خيار تاني، ومينفعش ناكل وفيه حد بينا عايش في العشوائيات.. مقدرش أنام أو أكل أو أبقى مبسوط وفيه واحد غيري لا بياكل ولا مبسوط.. لازم كلنا نحط إيدينا في إيد بلدنا، عشان مش محدش يعايرنا بفقرنا".