قال الإعلامي عمرو أديب، تعليقًا على تعدي النائب كمال أحمد، على النائب توفيق عكاشة، بالضرب ب«الحذاء»، خلال جلسة مجلس النواب التي عُقدت اليوم الأحد؛ «الواقعة مؤسفة للغاية، لكن الحالة صعبة، وما فعله عكاشة كان أصعب». أضاف أديب، خلال تقديمه برنامج «القاهرة اليوم»، عبر قناة «اليوم»، «على كلٍ.. الواقعة ليست غريبة، فلا يُنقل عن مجلس النواب إلا هذه الأخبار، هذا ما يُعبر عنه البرلمان، في حين أن الناس مسحولة في الشوارع». تابع: «الشيء اللي ممكن يُسقط عضوية عكاشة مش واقعة التطبيع مع إسرائيل، لكن إن تكون شهادة الدكتوراه بتاعته مزورة، هل عكاشة معاه دكتوراه ولا معاه شهادة مزورة». استكمل: «الغريب أن عكاشة لما جيه يقدم نفسه لرئاسة البرلمان مقلش إن معاه دكتوراه، والأغرب إن معاه مؤهل فوق متوسط، دبلوم أو حاجة زي كده، فهل يجوز أصلًا إن واحد مش معاه مؤهل عالي ياخد دكتوراه من أمريكا؟». استطرد: «تخيلوا أن السيسي في اليابان، في حين أن نواب البرلمان بيضربوا بعض بالجزم، بلد غير طبيعية وشعب غير طبيعي، وكل يوم بيبقى عندنا حاجة جديدة مروعة، كان أهم حاجة عندنا النهاردة الحذاء بكام وثمنه كام، وبس، وبعدين نيجي نقول الناس مش متفاءلة ليه، هي الناس هتتفاءل إزاي بعد كل المهازل دي». أردف: «طبعًا بقى (سكتناله دخل بحماره)، النهاردة إسرائيل دعت لإجراء مباراة كرة قدم مع مصر، مش عكاشة قعد مع سفيرنا نلعب مع بعض بقى، عايزين يظهرولنا إنهم بيحبونا في حين إننا عندنا حاجز عمره ما ينزال، وهما بيحاولوا يكسروا الحاجز ده بأي طريقة».