عبر الملحن عمرو مصطفى، عن تضامنه مع حملة «صبح على مصر بجنيه»، التي أعلن عنها الرئيس عبد الفتاح السيسي، خلال كلمته الأسبوع الماضي في مؤتمر رؤية مصر 2030. وقال مصطفى، في تدوينة عبر صفحته على موقع التواصل الاجتماعي "فيسبوك": «اللي نفسه يبعت رسالة ومش قادر، يكتب فى كومنت نفسي ومش قادر وأنا هاعدهم، وابعت بدالكم، ده واجب عليا أنتم من تدعموني في الصفحة وهانزل صورة». وذكر: «لو في ٢٠ مليون موبايل، لو ٣ مليون منهم في المتوسط يبعتوا رسالة ب٥ جنيه، حيعملوا ١٥ مليون جنيه في اليوم، يعنى ٤٥٠ مليون في الشهر، يعنى ٥ مليار في السنة عارفين يعملوا إيه؟». وتابع: «يعملوا قروض ل٥٠ ألف شاب، كل واحد ياخد ١٠٠ ألف جنيه، يقدر يبتدي بيه مشروع ويعيش من غير ما يمد إيده ويقدر يصرف على أسرة مكونة من ٣ أفراد، يمكن عندك ده ملوش قيمة لكن عند من لا يملك كتير». وقال عمرو مصطفى، في تدوينة أخرى: «القاضي لازم ياخد فلوس كتير علشان ما يجيش كلب يرشيه ويحكملك بالعدل ولازم يكون في مستوي معيشي كويس جدا، والظابط لازم ياخد فلوس كتير علشان ممكن يموت في أي لحظة، لكن أنت باشا حر في عملك لكن هو بيأمنلك البلد علشان أنت تشتغل وتجيب فلوس وتجيب كمبيوتر وتقعد تشتم فيه». وأضاف الملحن الموسيقى: «موضوع بقي الدكاترة والمدرسين والفلوس القليلة، معلومة بس في دكاترة ومدرسين عملوا ملايين وشطار اجتهدوا ووصلوا أنهم عملوا مؤسسات كبيرة لا حيلة في الرزق». واختتم قائلًا: «الصهاينة بأكونتات عربية وأسماء عربية بتدخل عايزة تكفرنا، كفاية بقي تبص على رزق غيرك وكفاية تتأثر بكلام اللجان»، متابعًا «التبرع علشان غزة كان حلو، التبرع بجزء من مرتبك كإخواني كان حلو، البلد هتقف بإذن الله وفي مخلصين كتير بيتبرعوا كل يوم يا لجان.. وفي ناس بتتبرع بروحها كمان كل يوم».