قال والد السائق، محمد عادل «دربكة»، الذي لقى مصرعه، أمس الخميس، على يد رقيب الشرطة «مصطفى. م. ع»، «ابني راح مني، عشان واحد تافه، ولا يسوى جزمة في الأرض». أضاف خلال تصريحات خاصة لقناة «الحياة»، اليوم الجمعة، «أناشد الرئيس عبد الفتاح السيسي إنه يجيبلي حق ابني، وبقوله ابني ذنبه في رقبتك، ولازم تجيبلي حق ابني، وإنت بتشجع الشرطة، وبتحطهم تحت دراعك». تابع: «إحنا فينا نار، ومفيش حاجة هتعوضلي ابني، ابني راح بسبب بني آدم بيتحامى في بدلته وسلاحه». استكمل: «إذا كان السيسي يرضى بكده فإحنا منرضاش بكده، ورب العزة نقوم بثورة تانية، والسيسي لازم يعرف كده كويس، وزي ما بيقولنا إنتوا مني وأهلي، فإحنا كده هنتبرى منه». استطرد: «إحنا انتخبنا السيسي وجبناه عشان يحمينا من الشرطة، لكن كده السيسي بيجي علينا عشان الشرطة، عشان هما بيحموه، طيب إحنا فين حقنا؟».