قال الرئيس عبد الفتاح السيسي، موجِّهًا حديثه إلى الشعب المصري في احتفالية وزارة الداخلية بعيد الشرطة: "طلبت منكم في 24 يوليو تفويض علشان أواجه الإرهاب إنتم دلوقتي شوفتم حجم الثمن الذي دفعته مصر للحفاظ على استقرارها". وأضاف السيسي، في كلمته": "لأجل الدم ده خلوا بالكم من بلدكم، الناس دي سقطت علشان إحنا نعيش". ووجَّه السيسي حديثه إلى أسر شهداء الشرطة: "وحياة رب العباد إحنا مش هانسيبكم, باقولكم باسم المصريين لازم تبقوا عارفين إنكم بتسهموا في إن 90 مليون مواطن يعيشوا في أمان". وتابع السيسي: "هؤلاء إخوتنا كلنا، ماتضيعوش دم الشهداء دول يروحوا ببلاش، وإحنا كمان مش هنسمح، علشان الكل يعرف إن أمن واستقرار الشعوب مش لعبة، الكلام ده مهم لازم الكل ياخد باله منه، كلنا مسؤولين عن بلدنا، واللي هيقصر في ده هيبقى بيقصر في حق الناس دول".