جدد رئيس الزمالك، هجومه على مسؤولي فريق أهلي جدة السعودي، قائلًا: «أنا مبحبش قلة الأدب، ومش بحب المنظرة عليا في مصر أو برة مصر، لغاية دلوقتي مبعتوش الفلوس، أقسم بالله لو فلوس محمد عبد الشافي مجتش اللاعب مش هيرجع السعودية، إحنا مش شغالين خدامين عندكم». ووجه رئيس الزمالك، رسالة لجمال الغندور، رئيس لجنة الحكام، قائلًا: «محمود عاشور مش بطيقه ولا بطيق محمود البنا، ومش عايزهم يحكموا ماتشات للزمالك، لأن مباريات الدوري ليست حقل تجارب، وبلاش عناد لو كنت عايز تكمل المسابقة، والإتنين دول أصبح متعلم عليهم في كل مباراة». وأكمل رسالته، في مداخلة هاتفية، لبرنامج «اللعبة الحلوة»، مع الإعلامي خالد الغندور، المذاع على قناة «LTC»: «إحنا بندعمك وبنساعدك مينفعش تستفز الناس في ماتش مهم قدام المصري البورسعيدي». ويلتقي الزمالك فريق المصري البورسعيدي، يوم الأربعاء القادم، ضمن منافسات الفريقين في الجولة الخامسة عشر بالدوري العام.