انتقد الإعلامي عمرو أديب، آداء المصالح الحكومية مؤكدًا أنها تعاني من الفساد، والرشوة، والإهمال، مطالبها بضرورة الإهتمام بالقطاع الخدمي أولاً. وقال أديب خلال حلقة أمس من برنامج "القاهرة اليوم"، المذاع عبر فضائية "اليوم": أوّل امبارح اكتشفت حاجة مش بتحصل غير في مصر، في المصالح الحكومية، لقيت الموظفين بيفطروا، بتنجان عروس وطعمية، والناس بتفطر وهيشربوا الشاي، طب ده من أم مين" ؟ وأضاف: "طب بعد الفطار ده وكمية الغازات اللي في المكان هتشغل الناس إزاي، مفيش بيئة عمل في المكان، مفيش حد بيشتغل". وتابع:" امبارح الريس كان بيتكلم عن مفاعل نووي، مفاعل نووي إيه هتشغلوه إزاي، هتسيبوا الزرار مفتوح أكيد، إنت إزاي توصل للنووي وانت مش بتشيل الزبالة، مش عارف تنظم المرور عندك". واختتم مذيع برنامج القاهرة اليوم فقرته بالقول:" النهاردة الناس بتسأل عن أزمة الكهرباء، وليهم حق يسألوا، هما بيحبوا الريس وبيحبوا البلد ومستعدين يصبروا، وبتقولوا عشان الدفّايات؟ ده كل الناس مشغلة مستنقد، روحوا شوفوا الزبالة اللي في شارع الهرم، أنا مش عايز مفاعل نووي انا عايز أشيل الزبالة، أنا مش عايز أقضي على داعش أنا عايز اقضي على الدبان".
