صرخ الإعلامي عمرو أديب على الهواء، بسبب ما وصفه ب"سوء الأحوال الاقتصادية، في جميع دول العالم العام المقبل"، قائلًا: «السنة الجاية زي الزفت». وأضاف «أديب»، خلال حلقة أمس من برنامجه «القاهرة اليوم»، المذاع عبر فضائية «اليوم»: «معلش هتكلم اقتصاد شوية مع إني عارف إنه بيضايقكم، سعر برميل البترول كان بيتباع ب135 دولار، دلوقتي سعره وصل ل70 دولار، يعني روسيا ودول الخليج اللي كان بنتسند عليهم، بقوا بيخسروا من البترول، 35 دولار». وتابع: «روسيا حالتها زي الزفت من البترول، والروبل نزل قدام الدولار، كأنه بيقع من الشباك، واليورو نفس الكلام، العملة الوحيدة اللي ماسكة نفسها هى الدولار، لأن الاقتصاد الأمريكي ماشي زي الفل»، مضيفًا: «أنا هقولكم اللي مش هيقوله لا ريس ولا وزير، أنا رأيي أنه في 2015 المساعدات العربية لن تكون زي 2014».