السلام عليكم.. أنا عندي 17 سنة.. وكنت بحب واحدة معايا أعرفها.. اتصاحبنا في الأول كده أي كلام أو هي وقّعتني.. قعدنا أسبوعين ولا حاجة بعديها فركشنا.. عدّت فترة طويلة شوية، وهي بدأت تكلمني تاني، وكام شهر كده قالت إنها بتحبني وعايزة تصاحبني.. طبعاً أنا استعبطت وقلت لأ.. مع إني كنت لسه بحبها ساعتها.. بس عشان ما تبقاش بالساهل.. فضلت أبقى أرخم حاجة ومقرف عشان لو جت تستعبط تمشي وخلاص.. بس لأ فضلت ماسكة وباقية. فترة كده وتصاحبنا.. وكانت كل حاجة ماشية زي الفل لحد ما عرفت إن المصاحبة دي حرام وبتودي في داهية.. فصارحتها وقلت لها إني مش هينفع أبقى صاحبها كده وبتاع.. وإنها لو بتحبني وباقية عليّ يبقى تستناني بقى.. فبقينا بنتكلم زي أي اتنين عاديين خالص، ما بقيناش نقول كلام الحب ده وكده ولا بننزل لوحدنا.. بس لسه فيه يعني اتصال وبنتكلم كتير بس في كلام عادي.. معلش طوّلت عليكم؛ بس هو أنا كده باستعبط نفسي ولا ماشي صح؟ شكراً. msabbour