قال الإعلامي محمد مصطفى شردي، تعليقا على تحدُث الفنانة غادة عبد الرازق، باللغة الإنجليزية، خلال كلمتها بالدورة ال36 لمهرجان القاهرة السينمائي، إن «عبد الرازق» نجمة كبيرة وما كانت في احتياج لذلك، مضيفًا: «أنا معنديش مشكلة إنك متكونيش بتعرفي إنجليزي، أنا بحترمك جدًا وبحترم الفن اللي بتقدمه، فأنتي أروع ما يمكن، بس مكنش ليها لزمة، عشان يحصل ضدك الهجمة دي كلها». وعرض «شردي»، خلال تقديمه لحلقة اليوم من برنامج «90 دقيقة»، الذي يذاع على قناة «المحور»، فيديو للفنان عمر الشريف وهو يتحدث الإنجليزية بطلاقة، معلقًا: «ما بين عمر الشريف وغادة عبد الرازق، إيه اللي حصل لمصر؟ هو في إيه؟ وأنا أرفض نظرية المؤامرة، مش علشانها يعني متجوزة محمد فودة، وهو ليه علاقته بوزارة الثقافة، طيب تخيلوا لو حد أجنبي بيتفرج على المهرجان، بالله عليكم هنبرر له إزاي الإنجليزي بتاع الفنانة؟ متكلمتش بالعربي ليه، وواحد تاني يترجم لها؟».