فاكرين لما الشعب اتغرب جوه فى بلده ... آه فاكرين والمحتل الغادر ينعم فيها لوحده ... مش ناسيين والمشانق للي رايح واللي جاي ...النظام المصرى استعمار لمصر قولولى ليه طبعا مفيش حد معندوش فكرة ان نصف الشعب تحت خط الفقر وفى بطالة وعنوسة وازمة سكن وازمة سولار والانابيب وازمة لحمة وفراخ وقريب ازمة عيش واحتمال ازمة مياه ومين عارف يمكن نلاقى ازمة اكسجين ما هو احنا اكيد اكيد فى مصر اللى مش قادرة افهمه الحكومة اوالمستعمر مبتحلش اى مشكلة ولا ازمة ابدا تعقد ااه تلخبط اكيد تفسد طبعا توقف المراكب السايره اى نعم واتعودنا على كده واتأكدنا ان مشاكلنا مش هتتحل الا لما النظام يحل عن سماء مصر كلها الحكاية بقى ان الناس الغلابة بتحاول تلاقى حل لمشكلة البطالة وضيق ذات اليد وبدل ما تسرق ولا تشتغل شغل غير شريف بيبعوا فى الشارع وتتنوع السلع والبائع واحد انسان مصرى رجل او سيده غلبان شقيان طالع عينيه وساعات كتير بتكون السيده بتصرف على ايتام المهم الحكومة بقى تسيبهم يجروا على رزقهم ابدا طيب ازاى وهى حكومة استعمار واكله خير البلد ومش سايبه الناس تحاول تحل مشاكلها كمان بدعوى اشغال الطريق والمنظر العام والنظافة اللى مالهومش اى اثر من زمان يعنى هم لا يرصفوا شارع عدل ولا ينضفوه ولايصلحوه وفى الاخر الست الغلبانة والراجل الغلبان هما الازمة انا مع النظافة والنظام النظام الترتيب يعنى مش نظام الاستعمار لكن لازم بديل للغلابه وبدل ما بتلموهم بالبوكس مع السلع اللى بتكون رأس مالهم وفرولهم دخل يعنى لا حل من عندهم ولا سايبين الناس فى حالها تحل مشاكلها بطريقتها والنتيجه شعب متغرب جوه بلده والمستعمر عايش مبرتع فى خير البلد الوون الوون لوحده بالعربى وفى الاخر يتشطروا على الغلابه وبدل ما يحلوا مشاكلهم بيقطعوا عنهم ابواب الرحمة هى ديه الحكاية ويا ريت قريب نحطلها نهاية تعاطفك لوحده مبقاش كفاية لان الحكاية بقت حرب وتار بينا وبين الاستعمار بقيادة الحزب الوطنى