هاجم زكريا ناصف مجدى عبد الغنى بسبب تصريحات الأخير ان ناصف فرصته ضعيفة فى الإنتخابات لأنه لعب للزمالك . وقال ناصف فى قناة "النهار" رياضة" كلام واطى انا معنديش وقت ارد على الكلام التافه ده وحاول تكون اكثر احتراما وتأكد من اصوات اسرتك قبل اصوات الأعضاء" .
واضاف " وايه يعنى لعبت فى الزمالك ، الزمالك ده هو اللى كان بيجرى ياخد صوته فى اتحاد الكرة ، وايه يعنى ما الزمالك بيشترى لاعبى الاهلى والعكس صحيح" .
ومن جانبه علق مجدى عبد الغنى المرشح لمنصب نائب رئيس النادى الأهلى " عيب تتكلم فى الامور الشخصية وايه العيب انى اقول انك بتلعب فى الزمالك ، ما انت قولت انى لعبت فى المقاولون والمريخ " .
وعلق ناصف " لأ انا مذكرتش ده على اللى كتبته على صفحتى على الفيس بوك وتويتر " .
وقال مجدى " انا مش بتاع فيس بوك وتويتر" ، وعلق ناصف " انا بتاع فيس بوك وتويتر" . واكمل مجدى " توقعت ان لما يسألوك عن الموضوع تقول انا مش هتكلم فيه" ، ثم تعاتب الطرفين بهدوء وتصالحا على الهواء .