الأهلي نيوز : خط الدفاع الأهلي يوجد به مشكلة كبيرة جدا بمشاركة ايمن اشرف مع ياسر ابراهيم من اقل ضغط هجومي بيستقبلوا اهداف. الثنائية دي مقبولة في حالة غياب رامي ربيعة مش موجود انما فى وجوده يبقى ربيعة الأفضل لكي يشارك بشكل أساسي ، أرقام الثنائي ايمن اشرف وياسر إبراهيم مش فارقه كتير الفارق ان ايمن اشرف دايما بيرتكب اخطاء مباشرة سواء ضربات جزاء نتيجة تهور او تسجيل فى مرماه بالخطأ الأهلي نيوز : الأهلي يحتاج لوجود ربيعة في التشكيل الأساسي الأهلي نيوز : حمدي فتحي تاني افضل لاعبي الاهلى دفاعيا كان بيجاهد فى ظل اسوء مستوى للسولية اللى كان المفروض هو اللى يخرج مش حمدي فتحي ،صالح جمعة ذكي جدا هرب من الزحمه اللى فى مناطق طلائع الجيش ونزل يعمل دور ال Deeplying Playmaker من على الدائرة واتحول كمان لارتكاز تالت ودفاعيا استخلص الكرة 10 مرات ودة جيد جدا وتمريرات امامية 36 تمريرة بالمقارنة ب 13 تمريرة فقط خلفية وهى دي قيمة صالح جمعة اتجاة التمرير كمان الاهم ان 90 % من تمريراته الارضية كانت صحيحة وعلى فكرة طبيعي جدا انخفاض مستواه فى اى شوط تاني لانه بدنيا مش جاهز بشكل كامل. الأهلي نيوز : جيرالدو سئ جدا فى الاستلام وفى التركيز امام المرمى ولكن ميزته انه تفكيره كله انه يخترق ويروح على الجول وبيحطك دايما فى حالة هجومية بس دة ملهوش قيمة لو فضل لاعب بالعقلية المتواضعة دى وبيفقد الكرة بالسهولة دى 5 مرات فى شوط واحد مستحيل يكون لاعب مناسب للاهلى لو استمر كدة محتاج يعدل من قراراته .. الأهلي نيوز : أنتاج هجومي ضعيف للشحات ورمضان الأهلي نيوز : حسين الشحات كان متحرك جدا لما نزل ولكن مينفعش انزل 45 دقيقة 0 محاولات على المرمى الاهلى ضم الشحات لاهداف فنية مختلفة عن دة . كمان رمضان صبحي مبيفكرش ابدا فى اللعب على المرمى ولو فضل يلعب كدة مليون سنة مهما كانت مهاراته مستحيل هيبقى لاعب كبير. انت بتتكلم فى ان كهربا مسجل مع الزمالك 10 اهداف وصنع 9 واجيري مضمهوش للمنتخب فكدة رمضان بيبعد اكتر . الأهلي نيوز : رغم كل هجومنا ونقدنا لازارو واللى هو هجوم فى محله ومبرر على فكرة الا ان عودة ازرو نسبيا للتسجيل ثم صناعة هدف والتسبب فى ضربة جزاء الماتش اللى فات والتسجيل انهاردة دة كل مهم جدا للأهلي فى المرحلة دي من الدوري
