أكد الإعلامي علاء صادق أن حسن حمدي رئيس النادي الاهلى حول النادى الى هفيه وافقد الجميع احترام القلعة الحمراء . وقال صادق على صفحته على الفيس بوك" النادى الاهلى قبل حسن حمدى كان نادى الوطنية مع حسن حمدى اصبح هفية ,والنهاردة اصبحت قناة الاهلى مع الفلول والنظام الفاسد البائد ,الاهلى فقد هيبته مع حسن حمدى
وهذا نص ماقاله صادق:
"النادى الاهلى قبل حسن حمدى كان نادى الوطنية مع حسن حمدى اصبح هفية والنهاردة اصبحت قناة الاهلى مع الفلول والنظام الفاسد البائد الاهلى فقد هيبته مع حسن حمدى وانهارده الاهلى فقد احترامه مع اعلانات شفيق فى قناته وكل يوم الاهلى بيخسر ارض ومكانة وكرامة وناس شفيق ابن النظام الفاسد اللى قتل التراس الاهلى يظهر فى اعلانات على قناة الاهلى عشان الفلوس تغور الفلوس وتغور الاعلانات وتغور قناة الاهلى الكرامة فوق كل حاجة والاحترام والوطنية هما الاساس الاهلى كان زمان الاهلى ولما يرجع الاهلى من فضلك ابقى اندهلى". "مصر فوق الاهلى قناة الاهلى يجب ان تعود الى رشدها الاهلى نادى الوطنية ومال قارون من الاعلانات ومن الفلول مرفوض كل اهلاوى محترم قفل قناة الاهلى اول ما ظهرت صورة شفيق او راح لاى قناة تانية يا حسن حمدى عيب يا كل مسئول فى الاهلى عيب يا كل مسئول فى قناة الاهلى عيب جمهور الاهلى الحقيقى الثورى رافض شفيق الاهلى انهارده نزل درجة رابعة ومش هيطلع تانى الا لما حسن حمدى يسيب النادى للابد".