· بالنسبة لعائلة الرئيس مبارك التي تحكم مصر كفاية عليهم قوي كده وكفاية الاحتلال المباركي اللي بقاله تلاتين سنة في الأسبوع اللي قبل اللي فات كنت قد سألت صديقي المسطول سؤال وهو حتختار مين رئيس الجمهورية من الخمسة الاسماء دول وهم: الرئيس مبارك- جمال مبارك لو مانزلش الرئيس مبارك - محمد البرادعي- عمرو موسي- د.أحمد زويل فنظر لي صديقي المسطول وقال استني الأول السؤال المهم ده اللي انت سألته لي من اسبوعين ومن ساعتها وأنا بأفكر فيه وبعد أن اصطبح صديقي المسطول وضرب الصاروخ قاللي بالنسبة لعائلة الرئيس مبارك التي تحكم مصر كفاية عليهم قوي كده وكفاية الاحتلال المباركي اللي بقاله تلاتين سنة. وبالنسبة للاسماء الثلاثة د. البرادعي وعمرو موسي وزويل قال صديقي المسطول فاكر لمه الثورة قامت عام 1952 وكان فيه حاجة اسمها مجلس قيادة الثورة احنا دلوقتي محتاجين ثورة علمية يقودها العلماء وتبقي اسمها «مجلس قيادة العلم» فقلت لصديقي المسطول أنا مش فاهم انت تقصد إيه بالضبط وهتختار مين اللي يبقي رئيس مصرويحكم شعب مصر فرد المسطول قائلا أنا بارشح الثلاثة اسماء المحترمين دول لرئاسة مصروفيه غيرهم ناس مش محترمين يستحقوا أن يترشحوا لرئاسة مصر بس ياخسارة المشكلة مين اللي يحكم مصر المشكلة هوه فين شعب مصر الشعب الوحيد في العالم اللي عايش وميت في وقت واحد والاسبوع القادم نكمل الحوار مع صديقي المسطول.