تصدرت الفنانة عارفة عبدالرسول، مؤشرات البحث عبر جوجل خلال الساعات الماضية، بعد الكشف عن أغرب المواقف التي تعرضت لها قبل الشهرة. تصريحات عارفة عبدالرسول وتابعت عارفة عبدالرسول في لقاءها على الفضائيات: "اشتغلت كتير جدًا، بداية اشتغلت مع والدي في محل البقالة في الاسكندرية كنت بشتغل بجد وآخذ مرتب، وأركب العجلة واروح اجيب بضاعة، وأقطع بسطرمة وجبنة رومي". وواصلت عارفة عبدالرسول: "جت فترة والدي قالي أنا زهقت من البقالة، وأفكر أفتح محل كوافير لكن دي مش مهنتنا فقولت له هتعلمها، فاشتغلت كوافيرة لمدة سنة لكن المشروع فشل لأننا وسط سوق الحضرة فالاقبال هيبقى صعب أوي والشكل هيكون مش مضبوط". مواقف عارفة عبدالرسول وروت عارفة عبدالرسول عن أبرز مواقفها أثناء عملها في محل الكوافير قائلة: "كلت نص حاجب واحدة وجريت ورايا بالشبشب وفضلوا يخبوني وقالو لها معلش متعرفش، فقالت لهم لما هي متعرفش موقفينها تشتغل ليه؟". وأردفت عارفة عبدالرسول: "وفي الجامعة اشتغلت مندوبة تأمين في شركة الشرق للتأمين لأنني كنت اتعودت أصرف على نفسي ومحدش يصرف عليا".
مايوه عارفة عبدالرسول ثم علقت الفنانة عارفة عبدالرسول، على صورتها وهي ترتدي المايوه والتي أثارت جدلا كبيرا، قائلة:" إنها من محافظة الإسكندرية شمال العاصمة القاهرة، ولا يمكن أن يمر عليها فصل الصيف دون أن تنزل البحر، وإذا حدث ذلك تصاب بالاكتئاب.. معلقة: "اللي مايحبش الحياة يموت أحسن". ولفتت عارفة عبدالرسول إلى أنها قبل التقاط الصورة كانت تصور أكثر من عمل فني، الأمر الذي منعها من نزول البحر، مضيفة: "وقتها أصحابي أخذوني وذهبنا إلى مدينة العين السخنة، ولبست مايوه ونزلت البحر، ونزلت الصورة وكتبت عليها (لقيت الطبطبة)، واللي كان باين فيها كتفي". الهجوم على عارفة عبدالرسول وأشارت عارفة عبدالرسول إلى أنها تعرضت لهجوم وانتقادات بعد نشر الصورة، موضحة: "ناس قالولي يا ولية اتلمي.. واللي يقولي إنتي مش مكسوفة من نفسك، اللي بيقولي مايوه بكيني، عرفت منين إنه بكيني، هو ماكنش كده أصلا". واستكملت عارفة عبدالرسول: "فيه ناس طلبت مني أحذف الصورة، لكن أنا عندي كلمة واحدة ولو عملت حاجة غلط ممكن أعتذر عنها، لكن مش ممكن أرجع في كلمتي أو موقفي.. و لم ترتدي المايوه في الشارع وتتجول به، لكنه مخصص لنزول البحر، قائلة: "لكل مقام مقال.. وكل مكان وله لبسه.. والبحر مايوه وأنا مش بفرض نفسي على حد".
