تنشر «صوت الأمة» نص محادثات طارق فراج محمود عبد الوهاب، مستشار وزير المالية لشئون الضرائب العقارية، ومحمود الفخر الرازي محمود بركة، منتج برنامج البيت بيتك، ورئيس مجلس إدارة شركة «ستار لايت للتنمية العقارية والسياحية»، و2 آخرين، لاتهامهم بطلب وتقاضي مبالغ على سبيل الرشوة. المتهمون في القضية هم كل من حسب الترتيب التالي: « طارق فراج محمود عبد الوهاب مستشار وزير المالية لشؤون الضرائب العقارية، محمود الفخر الرازي محمود بركة رئيس مجلس إدارة شركة ستار لايت للتنمية العقارية والسياحية، وأمل عبد الوهاب حسن إبراهيم مفتش بالإدارة المركزية للتفتيش الضريبي بمصلحة الضرائب، والناصر جمال محمود بركة محاسب حر» . وجاءت نص المحادثات كالتالى: المقطع الأول: مدته دقيقة وست وثلاثون ثانية عبارة عن محادثة هاتفية بين شخصين نادى ثانيهما الأول بإسم «محمود»، واستهلها الأول بعبارة «هو الواد جى امتى يا حبيبى ؟» فأجابه الثانى «هو فى السكة ليك..هو معاه ابنه..صغير كدة هو وبتاع..قعد يتكلم..قلتله والله يا دكتور أمل..اللى حصل إن احنا كنا هناك والدنيا كانت بايظه..واستلفنا حاجات كتير وبتاع..قالى احنا مكنش الأتفاق كده وبتاع..أنا بحبكو وانتوا ليه بتعملوا معايا كده وبتاع ؟..» فقال محمود محتداَ «إحنا معملناش حاجة على فكرة..هو لسه معملش حاجة » فقال الثانى بحزم «محمود..محمود..أنا أسف..كنا واحنا قاعدين» . «كان فى ضرب نار فى الأرض» فقاطعه محمود قائلاَ: «خلاص خلاص يعنى ماشى..هو خلاص جى فى الطريق ؟» فأجابه الثانى «هو جايلك آه خمس دقايق..هيفهمك اللى حصل كله من طأطأ لسلامو عليكو..خلى بالك علشان فعلا..كان فى ضرب نار هناك..تمام ؟..الدنيا متبعترة آخر بعترة..أما تشوفه..وكده حلو على فكرة..مرتاحة» ثم انهيا المحادثة. المقطع الثانى: مدته دقيقة وتسع وعشرون ثانية عبارة عن محادثة هاتفية بين شخصين، تبادلا التحية فى بدايتها ثم قال الأول-المتصل- للثانى «بقول لحضرتك..الجمعة كلموا شريف النهاردة..على أساس يبعتلهم حد ياخدوا الجواب، تمام ؟..لغية الساعة تمانية محدش جه..» فسأله الثانى مقاطعا «تمانية إيه ؟» فأجابه الأول «ثمانية بالليل..من شوية يعنى..فهما طبعا مشيوا..فهما كانوا المفروض هيسلموه للمندوب ده..بحيث يبقى الصبح موجود فى المحافظة بيه..» فقال الثانى «بس هو النهاردة عطلة خلى بالك..السبت..» فقال الأول «ما هو معرفش بقى..هما بيقولولى شريف كلمهم..» . حضور افتتاح إحدى القنوات الخاصة ثم القى التحية على أحد الأشخاص واستكمل قائلا: «أصل أنا فى الافتتاح بتاع القنوات.... دى اللى هى..» فقاطعه الثانى «يالا على البركة» فتابع الأول «الله يخليك..فبقول لسيادتك هما كلموه يعنى والمفروض قالهم حد يجيلكوا..هما فاضلين قاعدين مسنينه لحد الساعة تمانية..وبعد كده مشيوا . «الراجل قفش الجواب سرى للغاية مقفول ومتبرشم» المقطع الثالث: مدته ثلاث دقائق وثلاث وعشرون ثانية، عبارة عن محادثة هاتفية بين شخصين تبادلا التحية، استهلها الأول بعبارة مازحة«إنت جيت على الريحة ولا ايه ؟» فرد عليه الثانى «أيوة..شوفت بقى»، ثم قال الأول «أصل لسه سليم بنسلم عليه ونازل وبتاع وطلبنا غدا وبتاع والجواب اتحرك خلاص فى السوبر جيت المندوب دلوقتى» فقال الثانى «والله..ما أنا كلمتهم بقى قولتلهم بقولكم إيه..فى حد فى الإتنين الطرفين بيكدب..طرف هنا بيقولى دا احنا مكلمينهم من يوم الخميس، وباعت ياخد الحاجة ويحرك الحاجة..وفى طرف تانى بيقولك لا مش-كلمة غير واضحة-فما فعلا كلمونى من مطرح قالك لا المشكلة كانت عندنا..الكسل ومش عارف إيه وابعت وماتبعتش وويك اند وويك قرد وبتاع..بس عموما الراجل استلم..قفش الجواب..وهو دلوقتى فى الطريق..سرى للغاية ومقفول ومتبرشم. «سليم جهز السلاح عشان هنتخانق على الأرض» فقال الثانى متنهداَ «طب على الله..على الله..طب احنا عاوزين نقعد مع فؤاد وطن» فقال الأول «ما أنا قولتلك أوكى..»فسأله الثانى «نقعد معاه بكره مثلاَ ؟» فأجابه الأول «بص أنا طبعا أنا عاوز أجى..» فقاطعه الثانى قائلا «أنا على فكرة على فكرة هنقعد معاهم بعد بكرة مش بكرة أنا كتبتلك...» فقاطعه الأول صائحا بحماس «حلو جداَ..انت انقذتنى..عارف بقى ليه ؟..لأن احنا نازلين بكرة نتخانق فى الأرض..وكان ناصر وهشام هيروحوا..أنا بكرة رايح..لأن سليم خلاص جهز الأسلحة..وهناخد مساحين من عندنا..اللى هما موجودين..وهما هيجيبوا مساحينهم..وهتبقى عركة فى الأرض..هنشوف بقى فدان زيادة..فدان..بس الخيال العلمى..اللى بيتكلموه ده مش هيبقى موجود..لأن فى لسه قالى اطبعلى الخرايط القديمة..اللى هو كان بقى شارى بيها زمان..عندى..تمام ؟..وقالى هننزل كل واحد يقف على راسه أرضه ونفرق الحد مظبوط زى ما الفلاحين بيعملوا..بس كده..فأنت ظبطتنى أخر تظبيط .
اقرأ أيضا: «خائن الأمانة».. أخطر اعترافات مستشار وزير المالية المتهم بالرشوة (الحلقة الأولى) بالمستندات .. مفاجأة في قضية رشوة مستشار وزير المالية «الحلقة الثانية» قائمة أدلة الثبوت في واقعة رشوة مستشار وزير المالية (الحلقة الثالثة) خائن الأمانة .. ننشر ملاحظات النيابة العامة في قضية رشوة مستشار وزير المالية (الحلقة الأخيرة) شاهد أمر إحالة مستشار وزير المالية و منتج برنامج البيت بيتك و آخرين للمحاكمة (مستندات) الإستئناف تحدد جلسة 1 أغسطس لبدء محاكمة مستشار وزير المالية فى قضية الرشوة
