هاجم المطرب الشعبي عبدالباسط حمودة، الملحن عمرو مصطفى بسبب سخريته من أغنيته الشهيرة «أنا مش عارفني»، قائلا: «لو مش عجباه، يعني ألحانه هي اللي حلوة؟! ولو وصل للعالمية فإحنا وصلنا لإيه؟! للكتّاب؟! الأغنية دي اتغنت في أمريكا .. ده مش ملحن». وتابع حمودة خلال حواره لبرنامج «العرافة» الذي تقدمه الإعلامية بسمة وهبة عبر فضائية «المحور»، مساء الأحد،: «أحب حمو بيكا لأن دمه خفيف جدا وبيضحك طوب الأرض، وبحبه وبحب حسن شاكوش». وعن مطربي المهرجانات الشعبية، ذكر «هوجة وهتعدي، عمر كمال وشاكوش بيغنوا، عمر كمال أفضل في الأداء، وشاكوش شاربني ويحب يزعق وبيقلدني، أما حمو بيكا فهو الدم الخفيف والواد الكويس الغلبان الطيب ومش مغني طبعا .. إحنا موضوع وهم موضوع». وأوضح أن «حمو بيكا عمل اللي عمله وخلاص، وده مطرب؟! مش مطرب، المونولوجيست أقوى منه، أنا مسميه الفكاهي، محصلش مونولوجيست بيضحكني، هي جاية معاه وربنا يكرمه». وأضاف أن والده كان يدعى الريس إسماعيل، مشيرًا إلى أنه عندما كان يغني في الأفراح كان الناس يسعدون بما يقدم، لكن هذا الأمر لم يكن يرضي والده الذي كان يقول له «أنت غنيت وحش والناس مشيت متضايقة، ولما بقيت نجم قالي أنا كنت بعمل كده عشان متغرش».
