تساءل الإعلامي عمرو أديب، عن هوية المشاركين في المظاهرة التي يدعي البعض تنظيمها يوم 11 نوفمبر المقبل، قائلا: «من الذي سيشارك في مظاهرة يوم 11 نوفمبر المقبل، ومن الداعي لها، يعني حفلة مايكل بولتون كان فيها مايكل بولتون، 25 يناير كنا عارفين مين اللي فيها، عايز أعرف البالونة اللي بتتنفخ كل يوم أكتر وأكتر جاية منين». وقال «أديب»، في برنامج «كل يوم»، المذاع على فضائية «On E»، مساء الاثنين، إن حركة 6 إبريل أعلنت عدم مشاركتها في مظاهرات يوم 11 نوفمبر المقبل، وإن وائل غنيم الذي يصفه البعض ب«أيقونة الثورة المصرية» كتب مقالًا حول عدم كونه جزءًا من تلك التظاهرات، لافتًا إلى اتخاذ الدولة لإجراءات استعدادية لهذا اليوم، وأن هناك حالة من الاستنفار الأمني تجاهها. وتابع: «أنا حضرت ثورتين، وكنت بشتغل على الهواء عند سقوط رئيسين سابقين، لكن هتجنن، من الهاتف والداعي لمظاهرات 11 نوفمبر، عايز أعرف إيه هي أبعاد المؤامرة دي، ولما تخلص 11 نوفمبر، هيقولوا استنونا بقى في 25 يناير، وبعدها مارس، وبعدها ذكرى سقوط مرسي، وبعدها 30 يونيو، دي بقى مش بلد، دي محطة قطار، عايز أعرف بقى مين نازل بعون الله».
