الدنيا واسعة ياناس وعاملة زى حفلة تنكرية كل واحد جتلة دعوة لما اجى على الدنيا دى حفلة من كل الفئات حفلة فيها ولاد زواد وفيها بردة ناس غلابه وكلة جاى حسب الميعاد فى حفلة تنكرية.......... الى لابس وش طيب والنفوس مش طيبة والى على المخاليق يعيب وهو اصلا معيبة والى وشة ياناس بيضحك وهو ياعينى مش مبسوط والى وشة حزين تملى والى وشة وش موت فى حفلة تنكرية........... و الى لابس وش مخلص بس مش لايق عليه والى جاى فى الحفلة يقرش ويلم المخاليق حواليه فى حفلة تنكرية والى جاى عشان يبين والى ضحكو علية وسابوه والى وشه حنين بس ده مايعرفش اخوه فى حفلة تنكرية ........... والى ناسة نهشو لحمو ,,,,, ... والى بيزوق كلامه والى لابس وش خايف والى عايش من الحرام والى ساب الحفلة بدرى والى خد حقه بدراعه والى لابس طول حياته وش تانى مش بتاعه فى حفلة تنكرية الى بيغير فى شكله والى غدره بيعمى قلبه والى جاى يشرب وينسى والى غيران من الى جنبه والى بخته ياعينى قله والى ضايع من زمان الى جوه الحفلة تايه مالهوش مكان فى اى مكان حفلة تنكرية ....