يا حلوة.... وطلِّتك آيه ودمعه شايله ضحكايه وبسمة طفل بيعافر عشان يحلم عشان يلقاكى غنوايه أفوق والقاكى دَيْسانى يموت الحلم من ....تانى بصورة طفل جُوَايه على حلمك أتارى الصورة نسيانى على شطك و مَدْ الحلم يتاخِر وتهوانى ... سنين جَذْرِك وانا العطشان لا بير نافع.....ولا بحرك واعيش ميت بأحلامى ويجرى العمر قدامى وانا شايف ومش شايف وعمرى ما كنت يوم ... هايف أنا خايف ** لَحُزنك يكسر الأيام وبين الفجر والعتمه سنين مخنوقه بالأحلام وبندهلك وصوتى راح من الهوجه قالولى ياتركب الموجة يهتسلم من الأوهام ** ما نيش سباح مع الأمواج ولا هخدك لبر هلاك ولو إنى هنا محتاج ما نيش خاين تهون الروح واموت م الغدر قدامك هنا مدبوح وتوبك الابيض الفاخر ملاه الدم ع الآخر وغنوة كنت بكتبها عشان اسمك طفاها النوح *** وأنا ميت ..هتبكينى؟ يا أمى يالا ضمينى على قهرك انا شاهد وفوق قبرى هنتعاهد بدمع الأم يا غالية هنا يرقد وليد الفجر لن يشجب ولن يرفض