ردا علي قصيدة هشام الجخ ( أنا إخوان ) التي نوه فيها بكلام أعتقده لا يصح في الشعر رغم تأيدي للحريه الكامله لأي شخص في التعبير لكن بطريقه لائقه أكتُب : (أنا فنان ) ومين قال الوطن خَوان يا سَابب بالكلام إنسان عشان إخوان وقِعت في عيب يا داعي الناس ف كل مكان حذاري تقول أنا الإسلام من الإسلام لا تشتِم أو تظُن هوان وسيب الملك له صاحبه لكن ازرع سلام وحدُوا تلاقي الحب والعرفان لإمته الحرب ما بينا وفُرقه شكوكها تقتلنا ايديك في ايديا من فضلك عشان أعدائنا شايفنا ونتكلم ونِتعلم من الأيام نساعد بعض يوم قُدام ولما أتعب هنا تشيلْني وكمِل خطوتك لأَمام تعالوا نجمع الدنيا وهو العمر فيه كام يوم ليه ثانيه تروح ورا ثانيه ورحله ف ضمير مهموم أنا وهشام ونور وسلام وشاعر أو أدِيب إنسان نعَلِم جيل خُلق ف كلام يكون ذِكرانا يا منان ***