قالوا المكان غير مجهّز ولافيه سرير إنعاش ولا دكاتره كبار لو النفس إنحاش ولا حتى حمام سباحة بجاكوزى يابانى علشان يدلك جنابه مدام ياناس ببلاش ........... كفايه تلكيك ياقاضى خللى العدالة تسود دا كلنا إبن تسعة وخاف من المعبود وإقضى بشرع الإله لأجل ماترضى الله لإن فيه يوم ياقاضى بيشيب فيه المولود ...... إحكم يا قاضى بسرعةريّح قلوب الناس دا السجن تأديب ياقاضى للظلَمه والأنجاس وإفتكر عهد ماضى القتل كان مشروع وكل قانون إلهى كان يترمى وينداس ...... فين العدالة ياقاضى وليه بقى التصنيف إيه العمل لو طلب كل سجين تكييف وهل عملها نبينا لما إمرأة سرقت وعطّل الحد فيها.. أو قام بالتخفيف!!!!!! ....... عودوا لشرع الإله وكفايه بقى تلكيك وأعدلوا تُنصروا ..وبلاش بقى تشكيك خلونا نبنى البلد.. دى بلدنا مش ناقصه فوضى وعماله وفتن.. وياخوفى م التفكيك رفعت محفوظ -الإسكندرية