* أنا بقول إنها راح تِعْلى - يقولوا عُمر الطير الجَريح ما يرِف تانى * أنا بقول إن جَرْح الطير هيجِف ، ومسيره يرفرف فى السما عالى - يقولوا الجرح زاد ، والماشى فى أرضها بلا زاد - يلا بقى .. إترحَّم على طِيرك ، وبلاش عِناد * يا أخوانا هى عالية ، هى غالية ، وطول عُمرها إشعاع للبلاد - أضحكتَنا .. - ما القِرد برضُه إبنه غزال وعنده أحسن الولاد - والخنفسة ع الحيط بتشوف عيالها لولى مش ولاد * طب شوفو الفن والقَلم ، إسألوا النيل والهرم * إسألوا روح محفوظ ، إسألوا روح ثومة وعبد الوهاب * إسألوا العقَّاد * ساعتها هتعرفوا إن كلامى صِدق .. مش مجرَّد عناد عن كتاب غرائب التعبيرات والأمثال الشعبية – هيئة الكتاب سامح مقار